Валерый Пятровіч Славук

Вале́рый Пятро́віч Славу́к (Слаук) (нар. 7 красавіка 1947, г.п. Коханава, Талачынскі раён, Віцебская вобласць) — беларускі графік, педагог, прафесар.

Валерый Пятровіч Славук
Дата нараджэння	7 красавіка 1947(1947-04-07) (75 гадоў)
Месца нараджэння	Коханава, Коханаўскі сельсавет, Талачынскі раён, Віцебская вобласць, БССР, СССР
Грамадзянства	СССР  Беларусь
Род дзейнасці	мастак, экслібрысіст
Жанр	кніжная графіка
Вучоба	Беларускі дзяржаўны тэатральна-мастацкі інстытут
Прэміі
Узнагароды	Прэмія Цёткі За заслугі ў выяўленчым мастацтве[d] Залаты фаліянт[d]
Медыяфайлы на Вікісховішчы

Біяграфія

Нарадзіўся 7 красавіка 1947 года ў гарадскім пасёлку Коханава Талачынскага раёна Віцебскай вобласці. Скончыў Беларускі тэатральна-мастацкі інстытут у 1977 годзе.

Творчасць

Працуе ў станковай і кніжнай графіцы. Шырока вядомыя яго ілюстрацыі да беларускіх народных казак «Удовін сын», «Піліпка-сынок», «Алёнка», да кніг «Айвенга» В. Скота, «Чорны млын» Ю. Брэзана, «Шляхціц Завальня» Я. Баршчэўскага, «Вясна ўвосень» У. Караткевіча, да кнігі «Чароўны свет» і мноства іншых. Вялікую папулярнасць набылі ілюстрацыі В. Славука да двухтамомнага энцыклапедычнага выдання «Беларускі фальклор». Сярод станковых работ: «Казкі летняга дня», «Пасля навальніцы», «Збор ягад», «На выпасе».

Прэміі і ўзнагароды

• Дзяржаўная прэмія Рэспублікі Беларусь у галіне літаратуры, мастацтва і архітэктурыі (2000) — за цыкл графічных твораў па матывах беларускіх казак, створаны ў 1995—1998 гадах.
• прэмія «Лепшы ілюстратар года» (2008),
• прэмія «Залаты фаліянт» у намінацыі «Лепшы майстар» Нацыянальнага конкурсу «Мастацтва кнігі—2008»,
• дыплом Рэспубліканскага конкурсу «Мастак і кніга» ​​ў намінацыі «Лепшы мастак» (2009),
• дыплом 1 ступені Міжнароднага конкурсу «Мастацтва кнігі» (Масква, 2009),
• медаль Францыска Скарыны (2009),
• медаль «За заслугі ў выяўленчым мастацтве» грамадскага аб’яднання Беларускі саюз мастакоў (2010),
• ганаровае званне Заслужаны дзеяч мастацтваў Рэспублікі Беларусь (8.10.2015).
• Прэмія Цёткі ў намінацыі «Найлепшае мастацкае афармленне» за кнігу чарадзейных казак «Вядзьмар, які рабіўся ваўком» (2021).

• 

  Валерый Славук і калекцыянер Алег Судлянкоў, Палац мастацтва, 8 кастрычніка 2015 года, «Восеньскі салон» з Белгазпрамбанкам

• 

  Валерый Славук і Леў Алімаў у дзень атрымання ганаровых званняў Заслужаных дзеячаў мастацтва Беларусі. 8 кастрычніка 2015 года, «Восеньскі салон» з Белгазпрамбанкам

Літаратура

• Баразна М. Р. Славук (Слаук) Валерый Пятровіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 500. — 10 000 экз. — ISBN 985-11-0035-8. — ISBN 985-11-0238-5 (т. 14).
• Салавей Л. Ф. Славук Валерый Пятровіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 666. — 800 с. — 5 000 экз. — ISBN 985-11-0026-9.

Спасылкі

• «Ілюстратар беларускай міфалогіі» — рэпартаж Алеся Аркуша // racyja.com, 24.01.2019
• Славук (Слаук) Валерый Пятровіч на сайце анлайн-энцыклапедыі «Беларусь у асобах і падзеях»
• Славук Валерый Пятровіч, выяўленчае мастацтва на сайце анлайн-энцыклапедыі «Беларусь у асобах і падзеях»