Валерый Пятровіч Шарый

Валерый Пятровіч Шарый (2 студзеня 1947, Чэрвень, Мінская вобласць, Беларуская ССР) — беларускі спартсмен (цяжкая атлетыка), трэнер; заслужаны майстар спорту СССР (1975). Выступаў у сярэдняй і ў першай паўцяжкай вагавых катэгорыях. Устанавіў 13 рэкордаў свету, 15 рэкордаў СССР (1971—79).

Валерый Пятровіч Шарый
Пол мужчынскі пол
Спецыялізацыя цяжкая атлетыка
Нарадзіўся 2 студзеня 1947(1947-01-02) (74 гады)
Грамадзянства
Olympic rings with white rims.svg
Алімпійскія ўзнагароды
Цяжкая атлетыка (мужчыны)
Золата Манрэаль 1976 да 82,5 кг

Спартыўная кар’ераПравіць

Чэмпіён XXI Алімпійскіх гульняў (1976, г. Манрэаль, Канада), свету (1975, Масква; 1976, Манрэаль), Еўропы (1975, Масква; 1976, Берлін). Сярэбраны прызёр чэмпіянату Еўропы (1980, Бялград), бронзавы прызёр (1979, Сафія).

Чэмпіён VI і VII Спартакіяд народаў СССР (1975, Вільнюс; 1979, Ленінград). Пераможца першынства СССР сярод моладзі (1967, Талін), чэмпіён СССР (1971—79). Уладальнік Кубка СССР (1978, 1979). Пераможца міжнародных турніраў: «Кубак Балтыкі» (1969, 1972, 1978), «Кубак Дружбы» (1979).

Чэмпіён Еўропы сярод ветэранаў (1994, г. Шробенгаўзен, Германія).

Трэнерская кар’ераПравіць

У 1980—82 і 1988—91 старшы трэнер БВА па цяжкай атлетыцы. У 1982—87 трэнер у складзе групы савецкіх войск у Германіі. У 1994—2001 трэнер нацыянальнай зборнай каманды Беларусі па цяжкай атлетыцы, з 2001 трэнер Мінскай абласной школы вышэйшага спартыўнага майстэрства.

Палітычныя поглядыПравіць

Падпісаў адкрыты ліст спартыўных дзеячаў краіны, якія выступаюць за дзеючую ўладу Беларусі пасля здушэння народных пратэстаў у 2020 годзе[1][2].

УзнагародыПравіць

Узнагароджаны ордэнам Дружбы народаў.

Зноскі

  1. Стало известно, кто подписал открытое письмо спортсменов, выступающих за власть(руск.)  (24 лістапада 2020). Архівавана з першакрыніцы 28 красавіка 2021. Праверана 24 лістапада 2020.
  2. Подписи. Праверана 8 снежня 2020.

ЛітаратураПравіць

СпасылкіПравіць