Вальдэмар Вялікі

Вальдэмар Вялікі (ням.: Waldemar, Markgraf von Brandenburg, Woldemar; каля 1280 — 14 жніўня 1319, Мешкавіцы) — у 13091319 гадах маркграф Брандэнбурга з роду Асканіяў, суправіцель з 1302 года, з 1309 года як апякун свайго кузена Генрыха II.

Вальдэмар Брандэнбургскі
ням.: Waldemar von Brandenburg

маркграф Брандэнбург-Штэндаля
1302 — 1319
Сумесна з Конрад I Брандэнбургскі,
Атон IV Са Стралой,
Ёган IV
Папярэднік Ёган IV
Пераемнік Генрых II Дзіцё
Маркграф Брандэнбург-Зальцведэля
1317 — 1319
Папярэднік Ёган V
Пераемнік Генрых II Дзіцё
Нараджэнне 1281[1], каля 1280 ці 1281[2]
Смерць 14 жніўня 1319
Род House of Ascania in Brandenburg[d]
Бацька Conrad, Margrave of Brandenburg-Stendal[d][3]
Маці Constance of Greater Poland[d][3]
Жонка Agnes of Brandenburg-Salzwedel[d][4]
Дзейнасць кіраўнік
Лагатып Вікісховішча Медыяфайлы на Вікісховішчы

Вальдэмар нарадзіўся ў сям'і маркграфа Конрада I Брандэнбургскага і яго жонкі Канстанцыі Польскай, дачкі герцага вялікапольскага Пржамыслава I. Паводле Солдзінскага міру 1309 года  (руск.) Вальдэмар адмовіўся ад сваіх прэтэнзій на Паморскае герцагства з Данцыгам за 10 тысяч марак срэбра на карысць Тэўтонскага ордэна.

У 1312 годзе Вальдэмар вёў вайну з маркграфам Мейсена Фрыдрыхам I, захапіў яго ў палон і прымусіў заключыць 14 красавіка 1312 года Тангермюндскі мір. У 1316 годзе Вальдэмар захапіў Дрэздэн. У 1319 годзе Вальдэмар набыў для Брандэнбурга Сулехаў і Свябодзін.

У 1315 годзе падчас так званай Паўночнагерманскай маркграфскай вайны Вальдэмар захапіў Штаргард, але саступіў Генрыху II Мекленбургскаму ў бітве пры Гранзэе і быў вымушаны аддаць Штаргард паводле Тэмплінскага міру Генрыху II 25 лістапада 1317 года.

У 1309 годзе Вальдэмар ажаніўся з Агнэсай Брандэнбургскай (1297—1334), дачкой маркграфа Германа I. Гэты шлюб апынуўся бяздзетным. У 1319 годзе маркграф Вальдэмар памёр, а ўслед за ім памёр і яго кузен Генрых II. На гэтым згасла дынастыя маркграфаў брандэнбургскіх з роду Асканіяў.

Брандэнбург у 1320 г.

У 1348 годзе ў Магдэбургскім архібіскупстве абвясціўся пажылы чалавек, які сцвярджаў, што ён з'яўляецца маркграфам Вальдэмарам, які вярнуўся з паломніцкай паездкі ў Святую зямлю. У 1319 годзе замест яго нібы пахавалі іншага чалавека. Афёра Ілжэвальдэмара раскрылася толькі ў 1350 годзе, а да гэтага часу махляр кіраваў Брандэнбургскай маркай, якую яму перадаў у леннае валоданне імператар Свяшчэннай Рымскай імперыі Карл IV.

Зноскі

  1. Waldemar (Waldemar) // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag Праверана 9 кастрычніка 2017.
  2. https://www.biografiasyvidas.com/biografia/v/valdemar.htm
  3. а б Lundy D. R. The Peerage
  4. (unspecified title) Праверана 7 жніўня 2020.

Літаратура правіць

Спасылкі правіць