Валькоўскі сельсавет
Валько́ўскі сельсавет — былая адміністрацыйна-тэрытарыяльная адзінка ў складзе Мёрскага раёна Маладзечанскай вобласці. Цэнтр — вёска Валькі.
| Валькоўскі сельсавет | |
|---|---|
| Краіна | БССР |
| Уваходзіць у | Мёрскі раён |
| Адміністрацыйны цэнтр | Валькі |
| Дата ўтварэння | 12 кастрычніка 1940 |
| Дата скасавання | 16 ліпеня 1954 |
Геаграфія правіць
Паўночная і ўсходняя межы сельсавета праходзілі па Заходняй Дзвіне, на поўдні сельсавет межаваў з Барсукоўскім сельсаветам, а на захадзе — з Лявонпальскім сельсаветам.
Гісторыя правіць
Утвораны 12 кастрычніка 1940 года ў складзе Мёрскага раёна Вілейскай вобласці БССР. З 20 верасня 1944 года ў складзе Полацкай вобласці, з 8 студзеня 1954 года — Маладзечанскай вобласці. 16 ліпеня 1954 года скасаваны, тэрыторыя далучана да Лявонпальскага сельсавета[1].
Населеныя пункты правіць
На 1 студзеня 1947 года ў склад сельсавета уваходзіла 22 населеныя пункты[2].
На момант скасавання ў склад сельсавета ўваходзілі наступныя паселішчы:
- Валькі, вёска
- Дварчаны, вёска
- Казлы, фальварак
- Каменцы, калонія
- Поплава
- Пруды
- Скрынішча
- Цясноўка, калонія
- Шчабёры, фальварак
- і іншыя.
На працягу 1944—1954 гадоў былі ліквідаваныя некаторыя хутары Валькоўскага сельсавета.
Архіў правіць
Архіўныя дакументы Валькоўскага сельсавета захоўваюцца ў Занальным дзяржаўным архіве горада Глыбокае[3].
Архіў, які ахоплівае 1944—1954 гады, складаецца з пратаколаў сельвыканкамаў, пратаколаў агульных сходаў грамадзян, бюджэтаў, гаспадарчых кніг, вопісей і інш.
Памер архіва — 28 старонак.
Шыфр архіва — BY ЗГАГлб ф. 1613.
Крыніцы правіць
- ↑ Указ Президиума Верховного Совета Белорусской ССР от 16 июля 1954 г. Об объединении сельских советов Молодечненской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
- ↑ Белорусская ССР. Административно-территориальное деление на 1 января 1947 года.. — Мн.: Гос. изд-во БССР, 1947. — 300 с. — 10 000 экз. (руск.) С. 234
- ↑ Фондавы каталог дзяржаўных архіваў Рэспублікі Беларусь (руск.)
Літаратура правіць
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — С. 130. — 10 000 экз. — ISBN 985-11-0141-9.