Валянцін Алегавіч Сукала

Валянці́н Але́гавіч Сука́ла (нар. 16 жніўня 1942, Мінск) — беларускі дзяржаўны дзеяч. Заслужаны юрыст Рэспублікі Беларусь (2000). 2-і міністр юстыцыі Рэспублікі Беларусь (1994—1997), 2-і старшыня Вярхоўнага суда Рэспублікі Беларусь (з 4 студзеня 1997 года).

Валянцін Алегавіч Сукала
2-і старшыня Вярхоўнага суда Рэспублікі Беларусь з 4 студзеня 1997
Прэзідэнт	Аляксандр Лукашэнка
Папярэднік	Уладзімір Каравай
2-і міністр юстыцыі Рэспублікі Беларусь 27 кастрычніка 1994 — 8 студзеня 1997
Прэзідэнт	Аляксандр Лукашэнка
Кіраўнік урада	Міхаіл Чыгір, Сяргей Лінг
Папярэднік	Леанід Дашук
Пераемнік	Генадзь Варанцоў
1-ы намеснік старшыні Вярхоўнага суда СССР 1989 — 1991
Прэзідэнт	Міхаіл Гарбачоў
Кіраўнік урада	Мікалай Рыжкоў
6-ы міністр юстыцыі БССР 19 лістапада 1988 — 28 красавіка 1989
Кіраўнік урада	Міхаіл Кавалёў
Папярэднік	Уладзімір Каравай
Пераемнік	Валерый Ціхіня
8-ы старшыня Мінскага абласнога суда 17 снежня 1976 — 12 снежня 1984
Папярэднік	Вячаслаў Жукоўскі
Пераемнік	Георгій Хоміч
Нараджэнне	16 жніўня 1942(1942-08-16) (82 гады) ці 1942 Мінск, Генеральная акруга Беларусь, Рэйхскамісарыят Остланд
Бацька	Алег Сукала
Партыя	Камуністычная партыя Беларусі
Адукацыя	юрыдычны факультэт БДУ (1968)
Дзейнасць	права і justice and judicial activities[d]
Узнагароды	ганаровая грамата Нацыянальнага сходу Рэспублікі Беларусь (2002) Падзяка Прэзідэнта Рэспублікі Беларусь[d] (12 жніўня 2002)

Біяграфія

У 1958—1962 гадах быў работнікам Мінскага трактарнага завода і Мінскага механічнага завода імя Сяргея Вавілава. У 1968 годзе скончыў юрыдычны факультэт Беларускага дзяржаўнага ўніверсітэта. З 1968 года — суддзя народнага суда Мядзельскага раёна (Мінская вобласць). З 1972 года — суддзя Мінскага абласнога суда, 8-м старшынёй якога стаў з 14 снежня 1976 года. З 1984 года — намеснік міністра юстыцыі Беларускай ССР. З 1986 года — начальнік упраўлення агульных судоў Міністэрства юстыцыі СССР. З 19 лістапада 1988 да 28 красавіка 1989 года — 6-ы міністр юстыцыі Беларускай ССР. Затым стаў загадчыкам дзяржаўна-прававога аддзела Цэнтральнага камітэта Камуністычнай партыі Беларусі і на 3 гады заняў пасаду 1-га намесніка старшыні Вярхоўнага суда СССР. 22 снежня 1989 года Указам Прэзідыума Вярхоўнага Савета СССР Сукала прысвоены вышэйшы кваліфікацыйны клас (1989).

З 1992 года — намеснік міністра юстыцыі Рэспублікі Беларусь. З 24 кастрычніка 1994 года — міністр юстыцыі Беларусі. 4 студзеня 1997 года заняў пасаду старшыні Вярхоўнага суда Рэспублікі Беларусь. Па яго ініцыятыве праведзены Першы з’езд суддзяў Беларусі, уведзены новы інстытут суддзяў па адміністрацыйных справах і выканаўчых вядзеннях, пачаў працу Інстытут перападрыхтоўкі і павышэння кваліфікацыі суддзяў, работнікаў пракуратуры, судоў і ўстаноў юстыцыі. Удзельнічаў у распрацоўцы новых Крымінальнага, Крымінальна-працэсуальнага і Крымінальна-выканаўчага кодэксаў Беларусі.

У 2000 годзе атрымаў званне «Заслужаны юрыст Рэспублікі Беларусь». У 2002 годзе ўзнагароджаны Ганаровай граматай Нацыянальнага сходу Рэспублікі Беларусь. 12 жніўня 2002 года Аляксандр Лукашэнка падпісаў Распараджэнне пра абвяшчэнне Валянціну Сукалу Падзякі Прэзідэнта Беларусі.

5 лютага 2018 года старшыня Вярхоўнага суда Валянцін Сукала ўхваліў пераход ад касацыйнага да абскарджвальнага парадку перагляду судовых рашэнняў 1-й інстанцыі.

Унесены ў санкцыйныя спісы краін Балтыі.

Узнагароды

• Медаль «У адзначэнне 100-годдзя з дня нараджэння Уладзіміра Ільіча Леніна» (1970)
• Ганаровая грамата Нацыянальнага сходу Рэспублікі Беларусь (2002)
• Падзяка Прэзідэнта Рэспублікі Беларусь (2002)
• Ордэн Айчыны III ступені (2022)

Літаратура

• Сукала Валянцін Алегавіч // Беларуская энцыклапедыя: У 18 т. Т. 18. Кн. 2: Рэспубліка Беларусь / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 2. — 760 с. — 10 000 экз. — ISBN 985-11-0310-1. — ISBN 985-11-0295-4 (т. 18. Кн. 2).