Вар’яты-шоу
Вар’яты-шоу — украінскае гумарыстычна-забаўляльнае шоу, якое існавала ў 2010—2021 гадах.
Вар’яты-шоу | |
---|---|
Жанр | камедыйны тэлесерыял[d] |
У галоўных ролях | |
Краіна вытворчасці | |
Мова | украінская мова |
Колькасць сезонаў | 5 |
Тэлеканал(ы) | Новы |
varyaty.com varyaty.novy.tv/ua/ |
Шоу мела тэлевізійную версію, якая выходзіла на Новым канале на працягу 5 сезонаў. Напачатку існавання шоу таксама было адзнята некалькі пілотных выпускаў у львоўскім клубе «Пікасо» для тэлеканала ZIK. Шоу было пазбаўлена нецэнзурнай лексікі, практычна адсутнічалі жарты «ніжэй пояса» і на палітычную тэматыку. Кіраўніком і вядучым «Вар’ятаў» з’яўляўся Сяргей Прытула.
Гісторыя праекта правіць
Слова «Вар’яты» ва ўкраінскай мове лічыцца элементам галіцкага дыялекту і львоўскай гаворкі, якое азначае «ненармальны, апантаны, шалёны, звар’яцелы чалавек».
Праект з’явіўся ў 2010 годзе ў Цярнопалі, першае выступленне прайшло 28 траўня 2010 года пад назвай "Першае ўкраінамоўнае гумар-шоў «Вар’яты». У 2013 годзе на тэлеканале «ZIK» выйшаў адзін сезон з дзесяці 25-хвілінных выпускаў відэазапісаў канцэртаў «Вар’ятаў» у львоўскім клубе «Picasso» . 2 лістапада 2016 года адбылася прэм’ера тэлеверсіі шоу ў эфіры Новага канала.
Выступ складаўся з гумарыстычных сцэнак, маналогаў, песняў і ўсяго іншага, што здольна выклікаць у публікі здаровы смех.
Для тэлеверсіі была зменена схема шоу, з моманту з’яўлення на тэлебачанні кожнае выступленне складалася з блокаў. У эфіры час ад часу запрашаліся вядомыя асобы (DZIDZIO, Аляксандр Педан, Віталь Казлоўскі, Антон Лірнік, Леся Нікіцюк, Дзмітры Танковіч і інш.).
Удзельнікі праекта пазіцыянавалі яго як народны, гэта значыць даступны ўсім слаям насельніцтва, таму кошты на канцэрты маглі істотна адрознівацца ў сталіцы і невялікіх гарадах. Сяргей Прытула ў інтэрв’ю жартаўліва сцвярждаў, што ім прасцей зладзіць дадатковыя канцэрты, чым падымаць кошты на квіткі. Толькі на працягу 2017 года адбылося 122 канцэрты шоу ў розных гарадах Украіны, Еўропы і Паўночнай Амерыкі, што зрабіла шоу самым гастралюючым украінскім шоу.
У 2021 годзе на Новым канале выйшаў апошні сезон тэлевізійнай версіі шоу. Пасля чаго шоу было перафарматавана ў іншы праект — «Тое самае шоу» з тымі самымі ўдзельнікамі, але ўжо без Сяргея Прытулы ў якасці фронтмэна.
Удзельнікі правіць
Па стане на 2017 год у склад «Вар’ятаў» уваходзяць:
- «Цярнопальскі Шэры» — Сяргей Прытула (кіраўнік)
- «Жошка» — Уладзімір Жогла
- «Владзьо» — Уладзімір Коўцун
- «Тыльны» — Віталь Тыльны
- «Вальон» — Валянцін Сяргейчук
- «Палупан» — Сяргей Палупан (музыка)
Спасылкі правіць
- Відэа праграмы: першы сезон 2016 Архівавана 1 верасня 2017.
- «Вар’яты» — афіцыйная старонка Архівавана 3 верасня 2017.