Вародзькаўскі касцёл

Вародзькаўскі касцёл — колішняя каталіцкая бажніца ў в. Вародзькаў, што цяпер Крычаўскім раёне Магілёўскай вобласці.

Славутасць
Вародзькаўскі касцёл
53°46′00″ пн. ш. 31°25′05″ у. д.
Краіна	Беларусь

Пабудаваны з дрэва ў 1619 г. манахам ордэну кармелітаў босых айцом Аляксеем Панятоўскім. Падчас вайны 1654—1667 гадоў і ў першыя паваенныя гады не дзейнічаў. У справаздачы ў Рым у 1682 г. заснавальнік касцёла піша: «Царква … без святара гадоў ужо больш дзесяці … маёнтак царкоўны разбураны, ніхто нічога не атрымаў. Служба Божая стамілася, а народ не атрымоўвае пладоў духоўных».

На 1772 г. у парафіі налічвалася 200 прыхаджан, у 1841—802 мужчыны і 556 жанчын, у 1917—415 асоб. Пасля рэвалюцыі будынак быў разабраны і перавезены ў суседнюю вёску, дзе пэўны час выкарыстоўваўся як крама.

Апошні след парафіі — могілкі з некалькімі плітамі, але большасць з іх разрабаваная. Ксёндз К. Тамэцкі сцвярджае: «Ужо толькі самая старая жанчына ў Вародзькаве памятала восенню 1995 г. касцёл і католікаў, якія прыязджалі да яго з суседніх вёсак».

Вядомыя парафіяне

• Язэп Ціхінскі
• Ядвіга Ціхінская
• Казімір Ціхінскі

Літаратура

• Directorium divini officii et missarum pro archidioecesi Mohilovensi…in annum domini 1917. — Petropolis, 1917. S. 405;
• НГАРБ (Нацыянальны гістарычны архіў Рэспублікі Беларусь), Ф. 1781, Воп. 26, спр. 1454, арк. 83—90.