Васіль Пятровіч Вусік

Васіль Пятровіч Вусік (нар. 19 ліпеня 1955, Прусы Старадарожскага раёна Мінскай вобласці) — беларускі палітык. Кандыдат эканамічных навук.

Васіль Пятровіч Вусік
Нараджэнне	19 ліпеня 1955(1955-07-19) (68 гадоў) Прусы, Палажэвіцкі сельсавет, Старадарожскі раён, Мінская вобласць, БССР, СССР
Адукацыя	Акадэмія кіравання пры Прэзідэнце Рэспублікі Беларусь Гродзенскі дзяржаўны аграрны ўніверсітэт
Навуковая ступень	кандыдат эканамічных навук
Дзейнасць	аграном
Узнагароды

Біяграфія

Скончыў Гродзенскі сельскагаспадарчы інстытут (вучоны аграном), Акадэмію кіравання пры Прэзідэнце Рэспублікі Беларусь (менеджар-эканаміст).

Працоўную дзейнасць пачаў рабочым паляводчай брыгады саўгаса «Чырвоны сцяг» Старадарожскага раёна. Служыў у радах Узброеных Сіл. Працаваў брыгадзірам трактарнай брыгады, галоўным аграномам саўгаса «Чырвоны сцяг», намеснікам старшыні калгаса імя Жданава, старшынёй калгаса «Залужжа» Старадарожскага раёна. Займаў пасады першага намесніка старшыні Старадарожскага райвыканкама — начальніка ўпраўлення сельскай гаспадаркі і харчавання, старшыні Старадарожскага райвыканкама.

Выбіраўся дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання.

Узнагароды

Узнагароджаны медалём «За працоўныя заслугі».