Васіль Пятровіч Маркевіч
Васіль Пятровіч Маркевіч (нар. 12 красавіка 1958, в. Рудаўка, Слонімскі раён, Гродзенская вобласць) — беларускі гаспадарчы і палітычны дзеяч. Генеральны дырэктар ААТ «Птушкафабрыка „Дружба“» (2003—2022).
| Васіль Пятровіч Маркевіч | |
|---|---|
| Дата нараджэння: | 12 красавіка 1958 (66 гадоў) |
| Месца нараджэння: | |
| Грамадзянства: | |
| Адукацыя | |
| Месца працы | |
| Кампанія | Птушкафабрыка «Дружба» |
| Пасада | генеральны дырэктар |
| Узнагароды і прэміі |
    |
Біяграфія
правіцьСкончыў Гродзенскі сельскагаспадарчы інстытут па спецыяльнасці «заатэхнія». Служыў у Савецкай арміі.
З 1980 года працаваў на бройлернай птушкафабрыцы «Дружба» Баранавіцкага раёна агентам-экспедытарам, брыгадзірам, начальнікам бройлернага цэха, начальнікам цэха бацькоўскага статку і рамонтнага маладняку, выканаўцам абавязкаў галоўнага заатэхніка — намесніка дырэктара, намеснікам дырэктара — галоўным заатэхнікам, выконваючым абавязкі дырэктара, дырэктарам.
У 2003 годзе прызначаны генеральным дырэктарам адкрытага акцыянернага таварыства «Птушкафабрыка „Дружба“» Баранавіцкага раёна. Зняты з пасады ў жніўні 2022 года.
Выбіраўся дэпутатам Баранавіцкага раённага Савета дэпутатаў 26 і 27-га скліканняў і дэпутатам Брэсцкага абласнога Савета дэпутатаў 26 і 27-га скліканняў.
Член Савета Рэспублікі Нацыянальнага сходу Рэспублікі Беларусь 6-га і 7-га скліканняў ад Брэсцкай вобласці. Уваходзіў у пастаянную камісію па эканоміцы, бюджэце і фінансах. Паўнамоцтвы члена Савета Рэспублікі былі спынены ў кастрычніку 2022 года[1].
Узнагароды і званні
правіць- Медаль «За працоўныя заслугі» (15 мая 2008)[2].
- Заслужаны работнік сельскай гаспадаркі Рэспублікі Беларусь (4 верасня 2013)[3].
- Ордэн Працоўнай Славы (26 лютага 2021)[4].
- Ганаровы грамадзянін Баранавіцкага раёна.
- Нагрудны знак «За заслугі ў сельскай гаспадарцы».
- Падзякі Прэзідэнта Рэспублікі Беларусь, Міністра сельскай гаспадаркі і харчавання Рэспублікі Беларусь.
- Ганаровыя граматы Нацыянальнага сходу Рэспублікі Беларусь, Міністра сельскай гаспадаркі і харчавання Рэспублікі Беларусь, рэспубліканскага аб’яднання «Белптушкапрам», камітэта па сельскай гаспадарцы і харчаванні Брэсцкага аблвыканкама.
Зноскі
- ↑ Постановление Совета Республики Национального собрания Республики Беларусь от 19 октября 2022 г. № 358-СР7/X «О досрочном прекращении полномочий члена Совета Республики Национального собрания Республики Беларусь седьмого созыва Маркевича В.П.». Национальный правовой Интернет-портал Республики Беларусь (24 кастрычніка 2022). Праверана 25 кастрычніка 2022.
- ↑ Указ Прэзідэнта Рэспублікі Беларусь 15 мая 2008 г. № 275 «Аб узнагароджанні дзяржаўнымі ўзнагародамі Рэспублікі Беларусь». Национальный правовой Интернет-портал Республики Беларусь (19 мая 2008). Праверана 2 сакавіка 2021.
- ↑ Указ Прэзідэнта Рэспублікі Беларусь 4 верасня 2013 г. № 396 «Аб узнагароджанні дзяржаўнымі ўзнагародамі Рэспублікі Беларусь». Национальный правовой Интернет-портал Республики Беларусь (7 верасня 2013). Праверана 2 сакавіка 2021.
- ↑ Указ Прэзідэнта Рэспублікі Беларусь 26 лютага 2021 г. № 62 «Аб узнагароджанні». Национальный правовой Интернет-портал Республики Беларусь (2 сакавіка 2021). Праверана 2 сакавіка 2021.
Спасылкі
правіць- Біяграфія Архівавана 18 жніўня 2020. на сайце Савета Рэспублікі Нацыянальнага Сходу Рэспублікі Беларусь (бел.).
- Біяграфія Архівавана 2 сакавіка 2021. на сайце Савета Рэспублікі Нацыянальнага Сходу Рэспублікі Беларусь (руск.).