Вера Сямёнаўна Палтаран
Вера Сямёнаўна Палтара́н[3], па мужу: Ляпеская (28 сакавіка 1919 — 28 сакавіка 1989) — беларуская савецкая пісьменніца, публіцыст, літаратурны крытык[3], перакладчык[3]. Заслужаны работнік культуры БССР (1979).
| Вера Сямёнаўна Палтаран | |
|---|---|
| альтэрн.: Вера Сямёнаўна Ляпеская[1] | |
| Асабістыя звесткі | |
| Імя пры нараджэнні | альтэрн.: Вера Сямёнаўна Палтаран[1] |
| Дата нараджэння | 28 сакавіка 1919[1] |
| Месца нараджэння | |
| Дата смерці | 28 сакавіка 1989[2] (70 гадоў) |
| Грамадзянства | |
| Альма-матар | |
| Месца працы | |
| Прафесійная дзейнасць | |
| Род дзейнасці | пісьменніца, публіцыстка, літаратурная крытык, перакладчыца, рэдактар |
| Жанр | нарыс[2] |
| Узнагароды | |
.svg){kind=small}
Біяграфія
правіцьНарадзілася ў вёсцы Бабунічы (сучасны аграгарадок у Петрыкаўскім раёне Гомельскай вобласці Беларусі). Скончыла вясковую дзесяцігадовую школу, вучылася ў Мінскім педагагічным інстытуце імя М. Горкага, але вучобу перапыніла Вялікая Айчынная вайна[4]. У час вайны знаходзілася ў эвакуацыі, працавала на заводзе ў Горкаўскай вобласці[4]. У 1943 годзе паступіла на філалагічны факультэт Беларускага дзяржаўнага універсітэта[4]. Універсітэт скончыла ў 1945 годзе. Працавала стыльрэдактарам у газетах «Чырвоная змена» і «Літаратура і мастацтва», з 1953 года рэдактарам аддзела крытыкі ў часопісе «Маладосць» і па сумяшчальніцтву стыльрэдактарам[4]. З 1973 года загадвала аддзелам крытыкі і літаратуразнаўства выдавецтва «Мастацкая літаратура».
Памерла В. С. Палтаран 28 сакавіка 1989 года.
Творчасць
правіцьЛітаратурную працу пачала ў 1949 годзе[4]. Друкавалася пастаянна з 1957 года. Асноўныя тэмы творчасці — жыццё сучаснай вёскі і роднага краю, адказнасць чалавека перад грамадствам і сваім сумленнем. Выступала як літаратурны крытык. Аўтар артыкулаў пра творчасць А. Адамовіча, І. Мележа, А. Кудраўцава, І. Пташнікава, М. Стральцова, Р. Шырмы, Я. Раманоўскага і інш. Таксама займалася мастацкімі перакладамі.
Сярод твораў В. С. Палтаран нарысы «Дзівасіл», «Ключы ад Сезама», «Над зямлёй палескай», «За ракой Гарынню», «Лён мой, лён», аповесць «Будзённы дзень сям’і Ганчарыкаў».
Узнагароды і званні
правіцьУ 1970 годзе В. С. Палтаран была ўзнагароджана Дзяржаўнай прэміяй Беларусі імя П. М. Лепяшынскага за кнігу «Ключы ад Сезама» (1967) і нарыс «Дзівасіл» (1968) і ў 1979 годзе атрымала званне заслужанага работніка культуры Беларускай ССР.
Зноскі
Літаратура
правіць- Палтара́н (Ляпеская) Вера Сямёнаўна // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 554. — 800 с. — 5 000 экз. — ISBN 985-11-0026-9.
- Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 15. — 10 000 экз. — ISBN 985-11-0035-8. — ISBN 985-11-0198-2 (т. 12).
- Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — С. 415. — 653 с.: іл. — 22 000 экз. — ISBN 5-340-00709-X.