Вольта (вадасховішча)
Вольта (6°30′ пн. ш. 0°00′ з. д.HGЯO) — найбуйнейшае па плошчы (каля 8,5 тыс. км²) вадасховішча ў свеце.
| Возера Вольта | |
|---|---|
| Lake Volta | |
 | |
| Каардынаты: 6°30′ пн. ш. 0°00′ з. д.HGЯO | |
| Размяшчэнне | Заходняя Афрыка |
| Вышыня над узроўнем мора | 85 м |
| Плошча | каля 8,5 тыс. км² |
| Аб'ём | 148 км³ |
| Даўжыня берагавой лініі | больш 7 тыс. км |
| Найбольшая глыбіня | 80 м |
| Сярэдняя глыбіня | 18 м |
| Плошча вадазбору | 385 тыс. км² |
| Упадаюць | Чорная Вольта, Белая Вольта, Афрам |
| Выцякаюць | Вольта |
  Возера Вольта |
|
 Медыяфайлы на Вікісховішчы | |
У 1961—1965 гг. каля горада Акасомба (Гана) у сутоках рэк Чорная Вольта і Белая Вольта ў вузкай цясніне была пабудавана ГЭС. У выніку, пасля запаўнення вадасховішча займае 3,6 % плошчы Ганы. Пры запаўненні тэрыторыі вадой было выселена каля 78 тыс. чалавек. Адначасова ГЭС забяспечвае большую частку краіны электраэнергіяй.
Ніжэй ГЭС размешчана рака Вольта, што цячэ ў Атлантычны акіян.
На ўтвораным вадасховішчы шырока развіта рыбалоўства і суднаходства. Поўнач возера знаходзіцца ў зоне саваны, поўдзень — у зоне трапічных лясоў.
Даўжыня вадасховішча з поўначы на поўдзень — каля 400 км, берагавой лініі — больш за 7 тыс. км, узбярэжжы парэзаныя, на возеры знаходзіцца мноства невялікіх астравоў. Аб’ём вадасховішча складае каля 148 км³, сярэдняя глыбіня 18 м, найбольшая — 80 м.