Нёгра

Нёгра — возера ў Гарадоцкім раёне Віцебскай вобласці на поўнач ад горада Гарадок ў басейне ракі Аўсянка (цячэ праз возера).

Нёгра
Морфаметрыя
Вышыня над узроўнем мора	186 м
Даўжыня	0,87 км
Шырыня	0,49 км
Плошча	0,3 км²
Аб’ём	0,00041 км³
Даўжыня берагавой лініі	2,66 км
Найбольшая глыбіня	2,5 м
Сярэдняя глыбіня	1,4 м
Гідралогія
Салёнасць	да 0,12 ‰
Празрыстасць	да дна: 2,5 м
Басейн
Плошча вадазбору	45,1 км²
Упадаюць	рака Аўсянка
Выцякаюць	рака Аўсянка
Размяшчэнне
Краіна	Беларусь
Рэгіён	Віцебская вобласць
Нёгра
Нёгра
Медыяфайлы на Вікісховішчы

Плошча паверхні возера складае 0,3 км², даўжыня 0,87 км, найбольшая шырыня 0,49 км. Найбольшая глыбіня дасягае 2,5 м, сярэдняя складае 1,4 м. Плошча вадазбору 45,1 км.
Катлавіна возера рэшткавага тыпу, выцягнутая ў напрамку з паўночнага ўсходу на паўднёвы захад. Схілы катлавіны вышынёй да 5—7 метраў, невыразныя, пясчаныя і сугліністыя. Берагавая лінія слабазвілістая. Берагі сплавінныя, на паўднёвым усходзе пясчаныя. Пойма шырынёй да 300 метраў, забалочаная. Дно возера плоскае, выслана сапрапелем.
Возера Нёгра эўтрофнае, праточнае. Зарастае падводнай расліннасцю. Прыбярэжная расліннасць ўздоўж берагу займае паласу да 40 метраў (хвошч, чарот, трыснёг).

У возеры водзяцца шчупак, карась, лінь, язь, плотка і іншыя віды рыб.

Літаратура

• Энцыклапедыя прыроды Беларусі. У 5-і т. Т.4. Недалька — Стаўраліт / Рэдкал.: І. П. Шамякін (гал. рэд.) і інш. — Мн.: БелСЭ, 1985. — Т. 4. — 10 000 экз.
• Беларуская энцыклапедыя: У 18 т. Т.11: Мугір — Паліклініка / Рэдкал.: Г. П. Пашкоў і інш. — Мн.: БелЭн, 2000. — Т. 11. — 560 с. — 10 000 экз. — ISBN 985-11-0188-5 (Т. 11).
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 23. — 72 с. — 10 000 экз. — ISBN 978-985-508-136-5. (руск.)

Спасылкі

• Нёгра Архівавана 23 мая 2012.