Шылава (возера, Браслаўскі раён)

Шы́лава — возера ў Браслаўскім раёне Віцебскай вобласці ў басейне ракі Дружнянка, за 15 км у напрамку на поўдзень ад горада Браслаў, каля вёскі Замошша. Знаходзіцца на тэрыторыі Нацыянальнага парка «Браслаўскія азёры».

Шылава
Морфаметрыя
Даўжыня	1,24 км
Шырыня	0,26 км
Плошча	0,19 км²
Аб’ём	0,00101 км³
Даўжыня берагавой лініі	2,9 км
Найбольшая глыбіня	11,8 м
Сярэдняя глыбіня	5,3 м
Гідралогія
Салёнасць	да 0,24 ‰
Празрыстасць	да 2 м
Басейн
Плошча вадазбору	11,6 км²
Упадаюць	ручай
Выцякаюць	ручай
Размяшчэнне
Краіна	Беларусь
Рэгіён	Віцебская вобласць
Шылава
Шылава

Плошча паверхні возера 0,19 км². Даўжыня 1,24 км, найбольшая шырыня 0,26 км, даўжыня берагавой лініі 2,9 км. Найбольшая глыбіня возера 11,8 м, сярэдняя 5,3 м. Аб'ём вады 1,01 млн. м³. Плошча вадазбору 11,6 км².
Катлавіна возера лагчыннага тыпу, серпападобнай формы, выцягнутая ў напрамку з поўначы на поўдзень. Схілы катлавіны вышынёй ад 2—5 да 10—12 м, складзеныя з пяскоў і супескаў. Берагі зліваюцца са схіламі катлавіны (усходнія берагі нізкія). Дно возера карытападобнай формы. Глыбіні да 2 м займаюць каля 26 % плошчы возера. Дно да глыбіні 2 м пясчанае, глыбей выслана сапрапелем.
Возера эўтрофнае, слабапраточнае. Упадае ручай і выцякае ручай у возера Золва. Расліннасць пашыраецца да глыбіні 3 м і займае палосу шырынёй да 25 м уздоўж берага.

У возеры водзяцца шчупак звычайны, лешч, акунь, лінь, плотка, язь, мянтуз і іншыя віды рыб.

Каля возера (праз вёску Замошша) пралягае аўтамабільная дарога Н2167.

Літаратура

• Уласаў Б. П. Шылава // Энцыклапедыя прыроды Беларусі. У 5-і т. Т.5. Стаўраструм — Яшчур / Рэдкал.: І. П. Шамякін (гал. рэд.) і інш. — Мн.: БелСЭ, 1986. — Т. 5. — 583 с. — 10 000 экз.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 16. — 72 с. — 10 000 экз. — ISBN 978-985-508-136-5. (руск.)