Войневіцкі сельсавет
Во́йневіцкі сельсавет — адміністрацыйна-тэрытарыяльная адзінка ў складзе Дзятлаўскага раёна Гродзенскай вобласці. Цэнтр — аграгарадок (да 2009 г. вёска) Войневічы.
| Войневіцкі сельсавет | |
|---|---|
| Краіна |
 Беларусь |
| Уваходзіць у | Дзятлаўскі раён |
| Уключае | 15 населеных пунктаў |
| Адміністрацыйны цэнтр | Войневічы |
| Дата ўтварэння | 12 кастрычніка 1940 |
| Насельніцтва (2019) | 592 |
| Часавы пояс | UTC+03:00 |
| Код аўтам. нумароў | 4 |
| Афіцыйны сайт | |
Утвораны 12 кастрычніка 1940 года як Піронімскі сельсавет у складзе Казлоўшчынскага раёна Баранавіцкай вобласці БССР. Цэнтр — вёска Піронім. З 8 студзеня 1954 года ў Гродзенскай вобласці. 30 жніўня 1957 года вёскі Азарычы і Амельнікі перададзены ў склад Навасёлкаўскага сельсавета, вёска Піронім — у склад Дзераўноўскага сельсавета, цэнтр сельсавета перанесены ў вёску Войневічы, сельсавет перайменаваны ў Войневіцкі сельсавет[1]. З 20 студзеня 1960 года ў складзе Слонімскага раёна. З 6 студзеня 1965 года ў складзе Дзятлаўскага раёна. 21 снежня 2009 года ў склад сельсавета з Раготнаўскага сельсавета перададзены 7 вёсак: Вялікія Шастакі, Горка, Даўгялавічы, Зарэчча, Лядзіны, Спасюкі і Студзераўшчына[2].
Насельніцтва сельсавета паводле перапісу 2009 года (8 населеных пунктаў) — 508 чалавек[3], з іх 95,3 % — беларусы, 2,6 % — рускія, 1,2 % — палякі, 0,8 % — украінцы[4]; паводле перапісу 2019 года (15 населеных пунктаў) — 592 чалавекі[5].
Крыніцы
правіць- ↑ Рашэнне выканкома Гродзенскага абласнога Савета дэпутатаў працоўных ад 30 жніўня 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1958, № 1.
- ↑ Решение Гродненского областного Совета депутатов от 21 декабря 2009 г. № 192 Об изменении границ Войневичского и Роготновского сельсоветов Дятловского района Архівавана 9 мая 2021.
- ↑ Колькасць насельніцтва населеных пунктаў Гродзенскай вобласці Беларусі паводле перапісу 2009 года
- ↑ Этнічны склад насельніцтва сельсаветаў Беларусі паводле перапісу 2009 года
- ↑ Колькасць насельніцтва населеных пунктаў Гродзенскай вобласці Беларусі паводле перапісу 2019 года
Літаратура
правіць- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.