Войцех Нарбут

Войцех Нарбут (польск.: Wojciech Narbutt; 1762—1837) — пісьменнік, каралеўскі шамбялян, пасол Чатырохгадовага Сойма.

Войцех Нарбут
Нараджэнне	1762[…] Сукурчы[d], Лідскі павет, Слонімская губерня, Расійская імперыя
Смерць	26 лютага 1837(1837-02-26) Сукурчы[d], Лідскі павет, Гродзенская губерня, Літоўскае генерал-губернатарства, Расійская імперыя
Род	Нарбуты
Бацька	Тадэвуш Нарбут
Член у	Згуртаванне прыхільнікаў Канстытуцыі
Адукацыя	Віленскі піярскі калегіум[d] Collegium Nobilium

Біяграфія

Паходзіў са шляхецкага роду Нарбутаў герба «Трубы». Нарадзіўся ў радавым маёнтку Сукурча ў Лідскім павеце. Бацькі — Тадэвуш Нарбут, лідскі падкаморы, і Кацярына з Вяжэвічаў.

Вучыўся ў калегіуме піяраў у Вільні, пасля, з 1774 да 1776 г. — у Collegium Nobilium у Варшаве.

1775 г. — заўважаны Адамам Чартарыйскім становіцца пісарам, а пасля шамбялянам караля.

1788—1792 — быў паслом Чатырохгадовага Сойма ад Лідскага павета. Уваходзіў у склад дэпутацыяў па праверцы Вайсковага Дэпартамента Пастаяннай Рады. Быў прыхільнікам Канстытуцыі 3 мая. Быў сябрам Згуртавання сяброў урадавай канстытуцыі.

1794 г. — прыняў удзел у паўстанні. Атрымаў патэнт паручніка войскаў Рэчы Паспалітай.

З 1801 г. стаў настаўнікам Дамініка Радзівіла.

Далейшы лёс малавядомы. Займаўся гаспадаркай у радавым маёнтку. У 1809—1812 гг. быў маршалкам Лідскага павета.

Сям’я

Быў жанаты з Ганнай з Эйсмантаў. Меў 2 дачок.