Вікторыя (востраў, Расія)

Вікторыя (руск.: Виктория) — расійскі востраў паміж Шпіцбергенам і архіпелагам Зямля Франца-Іосіфа. Плошча каля 40 км², даўжыня каля 5 км, шырыня 2,5 км. Уваходзіць у склад Прыморскага раёна Архангельскай вобласці. З’яўляецца самым заходнім востравам арктычных уладанняў Расіі, знаходзіцца за 62 км на ўсход ад нарвежскага вострава Белы.

Вікторыя
Характарыстыкі
Плошча	10,8 км²
Насельніцтва	0 чал.
Размяшчэнне
80°08′45,52″ пн. ш. 36°43′04,80″ у. д.
Акваторыя	Баранцава мора
Краіна	Расія
Суб’ект РФ	Архангельская вобласць
Вікторыя
Вікторыя
Медыяфайлы на Вікісховішчы

Востраў быў адкрыты 20 ліпеня 1898 года нарвежскімі капітанамі Юханам Нільсенам і Людвігам Бернардам Себулансенам. На наступны дзень востраў быў заўважаны П. У. Нільсенам, капітанам паравой яхты «Вікторыя», і названы ў гонар карабля.

Паколькі востраў ляжаў па-за межамі палярных уладанняў Нарвегіі, замацаваных дагаворам аб Шпіцбергене 1920 года, ён лічыўся нічыйнай зямлёй, пакуль СССР не заявіў свае правы на яго і на Зямлю Франца-Іосіфа дэкрэтам ад 15 красавіка 1926 года, які афіцыйна ўсталяваў межы палярных уладанняў СССР. Нарвегія заявіла пратэст і нават паспрабавала (у 1929—1930 гг.) заняць востраў. Савецкі сцяг быў упершыню падняты на Вікторыі 29 жніўня 1932 г. С. У. Паповым, капітанам экспедыцыйнага карабля «Мікалай Кніповіч».