Во Ван Тхыонг

Во Ван Тхыонг (в’етн.: Võ Văn Thưởng; нар. 13 снежня 1970(1970-12-13), Віньлонг^[d], Дэмакратычная Рэспубліка В’етнам) — Прэзідэнт В’етнама (2023—2024), член Палітбюро, пастаянны член Сакратарыята Цэнтральнага камітэта правячай Кампартыі В’етнама (КПВ).

Во Ван Тхыонг
в’етн.: Võ Văn Thưởng
прэзідэнт В’етнама[d] 2 сакавіка 2023 — 21 сакавіка 2024
Папярэднік	Võ Thị Ánh Xuân[d]
Пераемнік	Võ Thị Ánh Xuân[d]
Permanent Member of the Secretariat[d] 5 лютага 2021 — 6 сакавіка 2023
Папярэднік	Trần Quốc Vượng[d]
Пераемнік	Trương Thị Mai[d]
Нараджэнне	13 снежня 1970(1970-12-13) (53 гады) Віньлонг[d], Дэмакратычная Рэспубліка В’етнам
Веравызнанне	нерэлігійнасць[d]
Партыя	Камуністычная партыя В’етнама
Навуковая ступень	магістр
Дзейнасць	палітык
Аўтограф
Медыяфайлы на Вікісховішчы

Нарадзіўся ў 1970 годзе ў паўднёвай правінцыі Віньлонг. У розныя гады займаў кіруючыя пасады ў Саюзе камуністычнай моладзі В’етнама, у партарганізацыях на месцах, а ў чэрвені 2007 года быў выбраны дэпутатам Нацыянальнага сходу. У лютым 2021 года Во Ван Тхыонга выбралі пастаянным членам Сакратарыята ЦК КПВ. З 2021 года ён займаў пасаду намесніка старшыні Цэнтральнага кіруючага камітэта па барацьбе з карупцыяй і негатыўнымі з’явамі.

17 студзеня 2023 года Прэзідэнт В’етнама Нгуен Суан Фук пайшоў у адстаўку. 2 сакавіка Нацыянальны сход (аднапалатны парламент) Сацыялістычнай Рэспублікі В’етнам у ходзе пазачарговай сесіі разгледзеў і зацвердзіў на пасаду кіраўніка дзяржавы Во Ван Тхыонга. Ён стаў самым маладым кіраўніком В'етнама.

20 сакавіка 2024 года Цэнтральны камітэт Камуністычнай партыі В'етнама адправіў у адстаўку Во Ван Тхыонга за парушэнні партыйнай дысцыпліны, якія выклікалі негатыўную рэакцыю грамадскай думкі і паўплывалі на рэпутацыю партыі і ўлады. Яго звольнілі адразу з усіх пасад — Прэзідэнта, члена Палітбюро і кіраўніка Савета нацыянальнай абароны і бяспекі. Афіцыйна было паведамлена, што «цалкам усведамляючы сваю адказнасць перад партыяй, дзяржавай і народам, ён падаў заяву аб звальненні».