Вуліца Акадэміка Купрэвіча (Мінск)

Вуліца Акадэміка Купрэвіча (руск.: улица Академика Купревича) — вуліца ў Першамайскім раёне Мінска, у жылым раёне Уручча.

Гісторыя правіць

Першапачаткова насіла назву вуліца Жодзінская. У 1997 годзе вуліцы было прысвоена імя выдатнага беларускага біёлага і міколага Васіля Феафілавіча Купрэвіча.

Мае складана выгнутую форму. Пачынаецца ад скрыжавання з вуліцай Францыска Скарыны каля МКАД, з паўднёва-ўсходняга боку прымыкае вуліца Праграмістаў, завяршаецца скрыжаваннем з вуліцай Шугаева — Русіянава, пераходзячы ў апошнюю. Даўжыня вуліцы складае каля 1,6 км.

Вуліца Акадэміка Купрэвіча з вышыні

№ 1 — Беларускі парк высокіх тэхналогій
№ 3 — Канюшына Парк
№ 3б — EPAM
№ 5/2 — Інстытут біяарганічнай хіміі НАН Беларусі. Узведзены як частка комплексу інстытутаў біяарганічнай хіміі, геахіміі і геафізікі Акадэміі навук БССР (архітэктар М. Вінаградаў, І. Вінаградаў, Г. Гераўкер)^[1].
№ 7 — Інстытут геалагічных навук НАН Беларусі. Узведзены як частка комплексу інстытутаў біяарганічнай хіміі, геахіміі і геафізікі Акадэміі навук БССР (архітэктар М. Вінаградаў, І. Вінаградаў, Г. Гераўкер)^[1].

№ 10 — Фізіка-тэхнічны інстытут і Інстытут жыллёва-камунальнай гаспадаркі НАН Беларусі.
№ 14 — офісны будынак
№ 16 — жылы дом (будуецца)
гандлёвы цэнтр (будуецца)
(вул. Русіянава, 51) — Дыспетчарская станцыя «Уручча-2»

На рагу вуліц Акадэміка Купрэвіча і Шугаева размешчаны Музей валуноў.

Мемарыяльная дошка Мікалаю Фёдаравічу Бліадухо, беларускаму геолагу і акадэміку АН БССР, на будынку Інстытута геалагічных навук НАН Беларусі (дом № 7). Устаноўлена ў 1979 г^[2].
Мемарыяльная дошка Яўмену Рыгоравічу Канавалаву, беларускаму вучонаму ў галіне машынабудавання і акадэміку АН БССР, на будынку Фізіка-тэхнічнага інстытута НАН Беларусі (дом № 10), у якім ён працаваў. Устаноўлена ў 1977 г^[2].

Мемарыяльная дошка Васілю Севярдэнку

Мемарыяльная дошка Васілю Пятровічу Севярдэнку, беларускаму вучонаму ў галіне металазнаўства і акадэміку АН БССР, на будынку Фізіка-тэхнічнага інстытута НАН Беларусі (дом № 10). Устаноўлена ў 1980 г^[2].

↑ ^а ^б Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
↑ ^а ^б ^в Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.