Вуліца Касманаўтаў (Віцебск)

Вуліца Касманаўтаў — вуліца ў цэнтральнай частцы Віцебска, у Чыгуначным раёне. Названая ў 1962 годзе, гістарычныя назвы Кальцавая, Кавальская. У раёне сучаснага сквера размяшчалася Арлоўская плошча (з 28 студзеня 1919 года — Чырвонаармейская).

Касманаўтаў Віцебск
Агульная інфармацыя
Краіна	Беларусь
Рэгіён	Віцебская вобласць
Горад	Віцебск
Раён	Чыгуначны раён
Працягласць	800 м
Ранейшыя назвы	Кальцавая, Кавальская
Назва ў гонар	касманаўт
Медыяфайлы на Вікісховішчы

Вуліца пачала фарміравацца ў XIX стагоддзі. Працягласць вуліцы 800 м ад вуліцы Зяньковай да Ленінградскай. Заканчваецца пуцеправодам праз чыгунку (Полацкі віядук). Перасякаецца з вуліцамі Савецкай Арміі, Кірава. Да вуліцы прымыкае Прывакзальная плошча. Сучасная траса вуліцы і забудова сфармаваліся пасля Вялікай Айчыннай вайны.

Забудова

Чыгуначны вакзал Віцебск

Дом 14

Няцотны бок

• 3а — адміністрацыя Чыгуначнага раёна Віцебска; упраўленне па барацьбе з арганізаванай злачыннасцю і карупцыяй па Віцебскай вобласці

Цотны бок

• 2 — Палац творчасці дзяцей і моладзі (былы кінатэатр «Кастрычнік»), 1958 год
• 4 — УП «Віцебскае аддзяленне Беларускай гандлёва-прамысловай палаты» (былое пажарнае дэпо)
• 6 — ГЦ Прывакзальны ДУ «Галоўнае гаспадарчае ўпраўленне» Кіраўніцтва справамі Прэзідэнта Рэспублікі Беларусь; аддзяленне паштовай сувязі № 1
• 8 — чыгуначны вакзал, 1952 год,  Гісторыка-культурная каштоўнасць Беларусі, шыфр 213Г000038
• 10 — упраўленне Віцебскага аддзялення Беларускай чыгункі
• 10а — багажнае аддзяленне
• 10г — прыгарадныя касы
• 12 — аўтавакзал
• 14 — станцыя хуткай медыцынскай дапамогі (былая яўрэйская бальніца), канец ХІХ — пачатак ХХ стагоддзяў,  Гісторыка-культурная каштоўнасць Беларусі, шыфр 213Г000035

Літаратура

• Витебск: Энциклопедический справочник / Гл. редактор И. П. Шамякин. — Мн.: БелСЭ им. П. Бровки, 1988. — 408 с. — 60 000 экз. — ISBN 5-85700-004-1