Вуліца Рыднага (Гомель)
Вуліца Рыднага — вуліца ў Чыгуначным раёне горада Гомеля. Адносіцца да жылога масіву Прудок. Праходзіць ад вуліцы Крупскай да 9-й Навасёлкавай вуліцы. Перасякаецца з вуліцамі 2-я Светлая, 1-я Светлая, 2-я Навасёлкавая, 3-я Навасёлкавая, 4-я Навасёлкавая, 5-я Навасёлкавая, 6-я Навасёлкавая, 7-я Навасёлкавая, 8-я Навасёлкавая[1]. Пераважае індывідуальная забудова сядзібнага тыпу, у тым ліку сумежных вуліц.
Рыднага Гомель | |
---|---|
Агульная інфармацыя | |
Краіна | Беларусь |
Рэгіён | Гомельская вобласць |
Горад | Гомель |
Раён | Чыгуначны раён |
Гістарычны раён | Прудок |
Ранейшыя назвы | 2-я Праезджая |
Паштовы індэкс | 246015 |
Медыяфайлы на Вікісховішчы |
З гісторыі правіць
Правобраз вуліцы з’явіўся яшчэ ў даваенны час, што можна прасачыць па нямецкіх авіяфотаздымках 1941 года[2]. Тады гэта быў праезд між падворкамі адпаведнага ўчастка вуліцы Леніна (будучай Крупскай), які пераходзіў у дарогу між палеткамі, што ішла да Бурага балота. У пасляваенную пару называлася 2-й Праезджай[3]. Цяперашнюю назву атрымала ў гонар С. Р. Рыднага — савецкага воіна-лётчыка, Героя Савецкага Саюза, удзельніка баёў у 1941-1942 гадах супраць нямецкіх нацысцкіх акупантаў. З Гомелем яго асоба звязана месцам службы ў 1940-1941 гадах[4]. На жылым будынку №11 усталявана адпаведная мемарыяльная шыльда.
На вуліцы пэўны час знаходзіўся калгасны рынак, пляцоўка якога застаецца незабудаванай. Станам на 1980-я гады тут месціліся аптэка, піўны бар, крама гаспадарчых тавараў, харчовая крама “Палессе”, швейнае атэлье, ашчадная каса.
Сучаснасць правіць
На вуліцы знаходзяцца:
- супермаркет;
- харчовая крама (з аддзелам будматэрыялаў);
- крама будаўнічых матэрыялаў,
- гаспадарчых тавараў і бытавой хіміі.
Галерэя правіць
Зноскі
- ↑ Гомель. Атлас туриста. / Справоч. изд. Ред. Ю. М. Нестеровская. — Минск : РУП «Белкартография», 2019. — С. 15.
- ↑ Нямецкія аэрафотаздымкі Гомеля, 1941 год.
- ↑ Схематический план. Гор. Гомель. [Карты] / Главное управление коммунального хозяйства при СМ БССР. Бюро технической инвентаризации — [Б. м. : б. и.], 1961.
- ↑ Ридный Степан Григорьевич // Гомель. Энциклопедический справочник / Гл. редактор И. П. Шамякин. — Минск. : БелСЭ им. П. Бровки, 1991. — С. 403.