Вуліца Янкі Купалы (Мінск)
Вуліца Янкі Купалы — вуліца ў Мінску. Першапачаткова складалася з двух частак — Траецкай і Ягораўскай вуліцаў.
| Вуліца Янкі Купалы Мінск | |
|---|---|
 | |
| Агульная інфармацыя | |
| Краіна | Беларусь |
| Горад | Мінск |
| Раён | Ленінскі, Партызанскі, Цэнтральны |
| Працягласць | 1580 м[1] |
| Рух | двухбаковы |
| Найбліжэйшыя станцыі метро |
 Купалаўская, Кастрычніцкая, Няміга |
| Тралейбусныя маршруты | 12, 29, 40 |
| Аўтобусныя маршруты | 24, 57, 177э |
| Назва ў гонар | Янка Купала |
| на Яндэкс.Картах | |
| на Картах Google | |
 Медыяфайлы на Вікісховішчы | |
Гісторыя правіць
Вуліца названа ў 1948 годзе[2] ў гонар Янкі Купалы (Івана Луцэвіча) (1882—1942) — класіка беларускай літаратуры, паэта, драматурга, публіцыста, выбітнага дзеяча беларускага адраджэння пачатку XX ст.
Апроч гістарычных, у розныя часы мела наступныя назвы: вуліца Паліцэйская (частка, 1866—1919), вуліца Набярэжная (частка), вуліца Пралетарская (частка), вуліца Кастрычніцкая (1919—1941 і 1944—1948), вуліца Артылерыйская (частка, 1941—1944).
Размяшчэнне правіць
Пачынаецца ад скрыжавання з Першамайскай вуліцай, перасякаецца з вуліцамі Кірава, Карла Маркса, праспектам Незалежнасці, вуліцамі Інтэрнацыянальнай, Куйбышава і Максіма Багдановіча. Даўжыня — 1580 метраў[3].
На пачатковым участку па цотным боку знаходзіцца спуск да рацэ Свіслач (на іншым беразе знаходзіцца парк імя Горкага), далей па цотным боку разбіты парк імя Янкі Купалы (з помнікам паэту і літаратурным музеем[заўв 1]), затым вуліца перасякае Свіслач, далей — сквер імя Марата Казея і плошча Парыжскай камуны. Па няцотным боку вуліца шчыльна забудавана (сярод грамадскіх збудаванняў — Дом ветэранаў[заўв 2] і рэстаранны комплекс «Журавінка»[заўв 3]), на канчатковым участку (на іншым беразе Свіслачы) па няцотным боку размешчаны Алея Сяброўства. Раней на вуліцы размяшчаўся выстаўны цэнтр «Белэкспа» і былы галоўны корпус 2-й гарадской клінічнай бальніцы, якія былі знесены ў 2017 годзе. Пасля заканчэння вуліцы пачынаецца вуліца Старажоўская, а таксама Траецкае прадмесце. Хоць вуліца ўпершыню пачала забудоўвацца яшчэ ў XII—XIII стст., цяперашнія збудаванні былі пабудаваны пасля Вялікай Айчыннай вайны[3].
Забудова правіць
.JPG)
- № 7 — 10-павярховы жылы дом (1970—1971; арх. У. Афанасьеў)[4].
Транспарт правіць
На ўсім працягу вуліцы курсуе аўтобус № 57. На канчатковым участку грамадскі транспарт прадстаўлены таксама аўтобусамі (24, 177э) і тралейбусамі (12, 29, 40)[5].
Галерэя правіць
-
Від ад пачатковага ўчастку вуліцы ў бок скрыжавання з праспектам Незалежнасці
-
Участак вуліцы на левым беразе Свіслачы
Заўвагі правіць
Крыніцы правіць
- ↑ Вуліца Янкі Купалы — Google Карты
- ↑ После войны Архівавана 29 мая 2009. // Вячеслав Бондаренко. Названия минских улиц за последнее столетие: тенденции, загадки, парадоксы // «Минск старый и новый»
- ↑ а б Купалы Янки улица // Минск: Энциклопедический справочник (руск.) / Ред. кол.: И. П. Шамякин, И. И. Антонович, Г. Г. Бартошевич и др. — Изд. 2-е, доп. и перераб. — Мн.: БелСЭ им. П. Бровки, 1983. — С. 211. — 467 с.
- ↑ Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др.. — Мн.: Беларусь, 1991. — 262 с. — ISBN 5-338-00611-1. (руск.)
- ↑ Станам на люты 2012 года (па дадзеных афіцыйнага сайта ДП Мінсктранс Архівавана 22 ліпеня 2012.)
Спасылкі правіць
На Вікісховішчы ёсць медыяфайлы па тэме Вуліца Янкі Купалы (Мінск)
