Вікіпедыя

Выбары ў мясцовыя Саветы дэпутатаў Беларусі (2014)

(Пасля перасылкі з Выбары ў мясцовыя Саветы дэпутатаў Беларусі, 2014)

Выбары ў мясцовыя Саветы дэпутатаў Беларусі 27-га склікання адбыліся 23 сакавіка 2014 года. На месцы ў 1328 Саветах дэпутатаў будзе абрана 18 816 прадстаўнікоў. Акрамя мясцовых выбараў, у Гомельска-Навабеліцкай выбарчай акрузе № 36 адбыліся выбары дэпутата Палаты прадстаўнікоў Нацыянальнага сходу Рэспублікі Беларусь, бо перад парламенцкімі выбарамі 2012 года кандыдат ад улады быў зняты з выбараў, а адзіны кандыдат, які застаўся, не здолеў атрымаць неабходную колькасць галасоў[2].

< 2014  Беларусь  2018 >
Выбары ў мясцовыя Саветы дэпутатаў Рэспублікі Беларусь XXVII склікання
23 сакавіка 2014 года
Яўка: 77,4 %[1]

Вынікі выбараў у мясцовыя Саветы дэпутатаў:

Агульная інфармацыя правіць

Загад пра правядзенне выбараў Аляксандр Лукашэшка падпісаў 16 снежня 2013 года[3]. 17 снежня Цэнтральная выбарчая камісія зацвердзіла каштарыс расходаў у памеры 100 мільярдаў рублёў, з якіх 60 % планавалася накіраваць на выплаты ўдзельнікам выбарчых камісій; расходы на выбары дэпутата ў Гомелі зацверджаны ў памеры 1,25 мільярдаў рублёў[4].

З 18 816 дэпутатаў 1328 мясцовых Саветаў дэпутатаў большасць прыпадала на сельскія саветы:

  • Сельскія саветы — 1160 саветаў і 13 638 месцаў;
  • Пасялковыя саветы — 19 саветаў і 237 месцаў;
  • Саветы гарадоў раённага падпарадкавання — 14 саветаў і 248 месцаў;
  • Саветы гарадоў абласнога падпарадкавання — 10 саветаў і 368 месцаў;
  • Раённыя саветы — 118 саветаў і 3913 месцаў;
  • Абласныя саветы і Мінскі гарадскі савет — 7 саветаў і 412 месцаў[5].

За тыдзень да зацверджання загада пра правядзенне выбараў, 8 снежня 2013 года, увайшлі ў сілу папраўкі ў выбарчае заканадаўства, і новыя выбары прайшлі ўжо у адпаведнасці з новымі правіламі. У прыватнасці, была забаронена агітацыя за байкот выбараў, а кандыдаты павінны былі друкаваць агітацыйныя матэрыялы за ўласныя сродкі, якія, аднак, абмяжоўваліся 1,3 ці 3,9 мільёнамі рублёў у залежнасці ад узроўня савета[2].

Вылучэнне кандыдатаў. Выбарчая кампанія правіць

Вылучэнне кандыдатаў у дэпутаты пачалося 12 студзеня 2014 года і доўжылася да 10 лютага. Рэгістрацыя кандыдатаў праводзілася з 11 да 20 лютага; пасля яе заканчэння пачалася агітацыйная кампанія, якая доўжылася да 22 сакавіка. Датэрміновае галасаванне праводзілася з 18 да 22 сакавіка[6].

На 18 816 месцаў было пададзена 23 799 заяў, з якіх было ўхвалена 22 784. Такім чынам, у сярэднім па Беларусі на адно дэпутацкае месца прыпадае 1,2 кандыдата. Найменшая канкурэнцыя — на месцы ў сельсаветах і пасялковых саветах (1,1 кандыдата на месца), крыху вышэй — у саветы гарадоў раённага падпарадкавання (1,2) і раённыя саветы (1,3). У астатніх саветах канкурэнцыя значна вышэйшая: у саветы гарадоў абласнога падпарадкавання — 2,1, у абласныя саветы — 2,3. Найбольшая канкурэнцыя назіралася ў Мінску, дзе на 57 месцаў пададзена 345 заяў і зарэгістравана 270 кандыдатаў — 4,7 кандыдата на месца[7].

63,8 % кандыдатаў у дэпутаты было вылучана грамадзянамі з дапамогай збору подпісаў, 32,7 % — працоўнымі калектывамі, 3,4 % — палітычнымі партыямі. З партый больш за ўсіх вылучылі Камуністычная партыя Беларусі (277), Ліберальна-дэмакратычная партыя Беларусі (159), Беларуская партыя аб’яднаных левых «Справядлівы свет» (119), Аб’яднаная грамадзянская партыя (111), Рэспубліканская партыя працы і справядлівасці (51), Беларуская сацыял-дэмакратычная партыя (Грамада) (50) і Партыя БНФ (35)[7].

47,3 % кандыдатаў з’яўляліся дзеючымі дэпутатамі мясцовых саветаў, колькасць жанчын сярод кандыдатаў — 46,3 %, грамадзян маладзей за 30 год — 5,2 %. Найбольшая колькасць кандыдатаў працуе ў сацыяльнай сферы (адукацыя, культуры, навука, ахова здароўя) — 28,2 % і сельскай гаспадарцы — 22,7 %. У органах дзяржаўнага кіравання і іншых дзяржаўных установах працуе 11,8 % кандыдатаў, у прамысловасці, транспарце і будаўніцтве — 9,7 %. Сярод кандыдатаў у Мінскі гарадскі савет, аднак, 24,1 % прадстаўляе сацыяльную сферу, 20,7 % — прамысловасць, транспарт і будаўніцтва, 16,3 % — прадпрымальнікаў[7].

У Гомельска-Навабеліцкай выбарчай акрузе № 36 на адзінае месца ў дэпутаты Палаты прадстаўнікоў прэтэндуе 7 кандыдатаў[8].

Партыя Колькасць
Вылучыла кандыдатаў Абраных дэпутатаў
Ліберальна-дэмакратычная партыя 125 0
Аб’яднаная грамадзянская партыя 67 0
Партыя БНФ 42 0
Камуністычная партыя Беларусі 308 206
Беларуская партыя левых «Справядлівы свет» 85 0
Беларуская сацыял-дэмакратычная партыя (Грамада) 44 0
Рэспубліканская партыя працы і справядлівасці 64 34
Беларуская патрыятычная партыя 3 0
Беларуская партыя «Зялёныя» 0 0
Кансерватыўна-Хрысціянская Партыя — БНФ 0 0
Партыя «Беларуская сацыял-дэмакратычная Грамада» 0 0
Сацыял-дэмакратычная партыя Народнай Згоды 3 0
Рэспубліканская партыя 0 0
Беларуская аграрная партыя 6 6
Беларуская сацыяльна-спартыўная партыя 3 2
Партыя свабоды і прагрэсу 0 0
Партыя Беларуская Хрысціянская Дэмакратыя 0 0
Беларуская партыя працоўных 0 0
Беларуская сацыял-дэмакратычная партыя (Народная Грамада) 0 0


Зноскі

  1. ↑ Сведения о количестве избирателей, принявших участие в выборах депутатов местных Советов депутатов двадцать восьмого созыва
  2. ↑ а б Местные выборы-2014. Власть удерживает градус политической активности на нуле, naviny.by (8 снежня 2013)
  3. ↑ Лукашенко подписал указ о проведении местных выборов — 23 марта 2014 года
  4. ↑ Центризбирком утвердил смету расходов в 100 млрд рублей на подготовку и проведение местных выборов
  5. ↑ Сведения о количестве местных Советов депутатов и о количестве образуемых избирательных округов Архівавана 8 сакавіка 2014.
  6. ↑ 12 января начнется выдвижение кандидатов в местные советы
  7. ↑ а б в Сведения о выдвижении кандидатов в депутаты местных Советов депутатов Архівавана 8 сакавіка 2014.
  8. ↑ В Гомеле 7 человек идут в Палату представителей, среди них — оппозиционеры, Еврорадио (12 лютага 2014)

Спасылкі правіць

Узята з "https://be.wikipedia.org/w/index.php?title=Выбары_ў_мясцовыя_Саветы_дэпутатаў_Беларусі_(2014)&oldid=4418028"