Адкрыць галоўнае меню

Вэлком

Беларускі правайдар тэлекамунікацыйных, ІКТ і кантэнт-паслуг

Унiтарнае прадпрыемства «Вэлком» (velcom | A1) — найбуйнейшы прыватны правайдар тэлекамунікацыйных, ІКТ і кантэнт-паслуг у Беларусі[2]. Прадстаўляе паслугі сувязі стандарта GSM 900/1800, UMTS (WCDMA/HSDPA/HSUPA/HSPA+) і 4G (праз сетку beCloud), другі па колькасці абанентаў аператар сотавай сувязі ў Беларусі[3]. З 2017 года таксама прадстаўляе паслугі доступу ў інтэрнэт па стандартах GPON, Ethernet ва ўсіх абласных цэнтрах Беларусі, у Бабруйску, Рэчыцы, Светлагорску і Добрушы, а таксама лічбавага тэлебачання IPTV пад брэндам VOKA. У красавіку 2019 года кампанія пачала паступовы рэбрэндынг з пераходам да брэнда А1 да канца года.

Вэлком
Тып бізнес і прадпрыемства
Заснаванне 30 ліпеня 1998
Ранейшыя назвы СП ТАА «Мабільная лічбавая сувязь»
Размяшчэнне
Ключавыя фігуры Гельмут Дуз (генеральны дырэктар)
Галіна тэлекамунікацыі
Прадукцыя

Паслугі мабільнай і фіксаванай сувязі, анлайн-тэлебачанне, выраб забаўляльнага

кантэнту, паслугі ICT
Абарот 389,3 млн (2018)[1]
Аперацыйны прыбытак 163,8 млн (2018)[1]
Колькасць супрацоўнікаў 2659 чал. (2018)
Матчына кампанія A1 Telekom Austria Group
Сайт velcom.by/be

Змест

ГісторыяПравіць

 
Лагатып кампаніі з 1999 па 2008.

Кампанія пачала ажыццяўляць камерцыйную дзейнасць па прадстаўленні паслуг і тавараў мабільнай сувязі 16 красавіка 1999 года пад назвай СП ТАА «Мабільная лічбавая сувязь» і стала першым сотавым аператарам стандарта GSM у Беларусі (першы сотавы аператар — NMT-аператар «БелСел»).

Да старту камерцыйнай эксплуатацыі былі запушчаны 10 базавых станцый (9 у Мінску, 1 — у Арэшніках па дарозе на Нацыянальны аэрапорт «Мінск»). Да лета 2000 г. да сеткі velcom былі падключаны ўсе абласныя гарады Беларусі. Мабільная сувязь з’явілася на трасе Мінск – Брэст – Орша і ў бліжэйшых населеных пунктах. З 23 красавіка 2007 г. мабільная сувязь velcom стала даступна ўсяму гарадскому насельніцтву Беларусі. У красавіку 2019 аператар запусціў першую GSM-сетку на тэрыторыі Палескага дзяржаўнага радыяцыйна-экалагічнага запаведніка[4].

З 15 сакавіка 2001 г. абаненты velcom атрымалі магчымасць адпраўляць і прымаць SMS[5], у чэрвені 2005 г. — MMS.

2 чэрвеня 2003-га аператар запусціў паслугу GPRS. У снежні 2005 года ў трох абласцях Беларусі стала даступна тэхналогія EDGE[6].

30 сакавіка 2006 г. кампанія velcom першай у Беларусі распачала тэставую эксплуатацыю сувязі трэцяга пакалення. 3G-сетка была разгорнута за 27 дзён. Камерцыйны запуск сеткі 3G у Мінску і Гомелі адбыўся 17 сакавіка 2010 г[7]. У лютым 2016-га velcom першым у Беларусі запусціў 3G-сетку ў дыяпазоне 900 МГц, а ў маі 2019 палепшыў прапускную здольнасць 3G-сеткі, першым аснасціўшы базавыя станцыі чацвёртай апорнай радыёчастатой ў дыяпазоне 2100 МГц.[8]

 
Лагатып кампаніі «Вэлком» у 2008—2019

З лістапада 2007 года кампанія ўваходзіць у склад A1 Telekom Austria Group у выніку набыцця спачатку 70 % (лістапад 2007 г.), а потым астатніх 30 % (кастрычнік 2010 г.) акцый. З чэрвеня 2019 абаненты velcom | A1 могуць карыстацца інтэрнэтам па дамашняй цане ў сетках аператараў A1 Telekom Austria Group.[9]

У маі 2008 года кампанія правяла рэбрэндынг, змяніўшы лагатып і назву на УП «Вэлком»[10].

У маі 2009 года кампанія падпісала эксклюзіўны дагавор з ТАА СП «БелСел» аб прадстаўленні паслуг шырокапалоснага доступу ў інтэрнэт на аснове тэхналогіі CDMA2000 (EV-DO Rev.A). Паслугі прадстаўляліся да 16 мая 2013 года[11].

У 2014 годзе адкрыта афіцыйная інтэрнэт-крама velcom.by, запушчана лічбавае тэлебачанне VOKA, распачата будаўніцтва ўласнага дата-цэнтра кампаніі.

Да 2017 года velcom ператвараецца ў буйнога гульца на рынку фіксаванай сувязі Беларусі шляхам набыцця шэрагу інтэрнэт-правайдараў. У гэтым жа годзе кампанія velcom стала першым мабільным аператарам у свеце, які запусціў у камерцыйную эксплуатацыю цалкам віртуальнае ядро мабільнай сеткі.

У 2017 г. velcom атрымаў дазвол на камерцыйны запуск першай у Беларусі вузкапалоснай сеткі NB-IoT[12], прызначанай для «інтэрнэту рэчаў». Па стане на 2019 г. гэта тэхналогія запушчана ў Мінску і ва ўсіх абласных гарадах Беларусі.

У красавіку 2018 года абанентам velcom сталі даступны званкі па Wi-Fi з выкарыстаннем тэхналогіі VoWiFi (Voice over Wi-Fi, альбо Wi-Fi Calling)[13]. Летам таго ж года velcom у партнёрстве з ЗАТ «Банк Рашэнне» і міжнароднай плацежнай сістэмай Visa запусціў віртуальную карту з кэшбэкам v-banking для аплаты шырокага спектра паслуг.

21 сакавіка 2019 года velcom пачаў прадстаўляць паслугі перадачы даных па тэхналогіі 4G[14]. Паслугі мабільнага інтэрнэту па тэхналогіі 4G прадстаўляюцца абанентам velcom у сетцы інфраструктурнага аператара beСloud у дыяпазоне радыёчастот 1800 МГц у Мінске, а таксама часткова — у Мінскім раёне.

8 красавіка 2019 года кампанія аб’явіла аб пачатку рэбрэндынгу. У пераходны перыяд да канца года ў камунікацыях будзе выкарыстоўвацца дуал-брэнд velcom | A1. Потым — адзіны брэнд А1.

У красавіку 2019 года velcom | A1 забяспечыў бясплатны доступ у інтэрнэт па тэхналогіі Wi-Fi у 18 электрацягніках Беларускай чыгункі[15]. У чэрвені 2019 года аператар запусціў 38 новых базавых станцый уздоўж чыгуначных шляхоў для паляпшэння якасці мабільнай сувязі ў цягніках.

З красавіка па май 2019 года velcom | A1 запяспечыў мабільнай сувяззю ўсе тунэлі Маскоўскай і Аўтазаводскай ліній Мінскага метрапалітэна.[16][17]

Уласнікі і кіраўніцтваПравіць

Да студзеня 2005 года 69,9 % акцый velcom належалі кіпрскай кампаніі Samauwi Brothers Telecom (SB Telecom Ltd.), 30 % — ЗАТ «Белтэхэкспарт», 0,1 % — РУП «Белтэлекам». У студзені 2005 г. у лік трымальнікаў акцый кампаніі ўвайшла дзяржава: яна атрымала 30,9 %, за SB Telecom засталося 49 %, ЗАТ «Белтэхэкспарт» — 20 %, «Белтэлекам» — 0,1 %.

У жніўні 2007 года кіпрская кампанія SB Telecom выкупіла 100 % акцый прадпрыемства за $556 млн[18].

У пачатку кастрычніка 2007 г. аўстрыйская кампанія A1 Telekom Austria Group падпісала дагавор аб куплі 70 % акцый SB Telecom[19], а ў кастрычніку 2010 года — астатніх 30 % акцый.

Генеральным дырэктарам кампаніі па стане на 2019 год з’яўляецца Гельмут Дуз.

ДзейнасцьПравіць

Мабільная сувязьПравіць

Кампанія velcom прадстаўляе паслугі сувязі стандарта GSM 900/1800, UMTS (WCDMA/HSDPA/HSUPA/HSPA+), 4G на тэрыторыі Беларусі.

Абанентам аператара даступны базавыя паслугі (галасавая сувязь, перадача даных, SMS, MMS, галасавая пошта і інш.), а таксама дадатковыя сэрвісы (роўмінг, паслугі для бізнесу і забаўляльныя паслугі).

Нумары абанентаўПравіць

  • +375-29-1**-**-**
  • +375-29-3**-**-**
  • +375-29-6**-**-**
  • +375-29-9**-**-**
  • +375-44-4**-**-**
  • +375-44-5**-**-**
  • +375-44-7**-**-**

У сувязі з уводам у Рэспубліцы Беларусь паслугі MNP нумары абанентаў могуць прымаць значэнні:

  • +375-25-***-**-**
  • +375-29-***-**-**
  • +375-33-***-**-**

Фіксаваная сувязьПравіць

Кампанія пачала будаўніцтва ўласнай аптавалаконнай сеткі для кліентаў – юрыдычных асоб у верасні 2014 года[20].

У 2016—2018 гадах velcom правёў шэраг здзелак па набыцці беларускіх інтэрнэт-правайдараў — «Атлант Тэлекам» (Мінск)[21], «Айчына плюс» (Мінск)[22], «Белінфанэт» (Мінск), «Гарант» (Гомель[23] і Віцебск[24]), «Ранак Медыя» (Светлагорск). А таксама большасці прыватных і некаторых карпаратыўных абанентаў інтэрнэт-правайдара «Дзелавая сетка» (Мінск)[25].

У цяперашні час velcom прадстаўляе паслугі доступу ў інтэрнэт па стандартах GPON, Ethernet, ADSL ва ўсіх абласных цэнтрах Беларусі, а таксама ў Бабруйску, Добрушы, Рэчыцы, Светлагорску.

На 31 сакавіка 2019 г. абаненцкая база сеткі фіксаванай сувязі ад velcom складала каля 432 тыс. карыстальнікаў[26]. Большасць інтэрнэт-тарыфаў аператара з’яўляюцца комплекснымі, то бок маюць на ўвазе адначасовае атрыманне і паслугі лічбавага тэлебачання пад брэндам VOKA[27].

Інтэрактыўнае лічбавае тэлебачаннеПравіць

Лічбавае тэлебачанне ад velcom прадстаўляецца пад брэндам VOKA. Для кліентаў фіксаванага інтэрнэту velcom сэрвіс працуе па тэхналогіі IPTV і прадстаўляе больш за 120 каналаў (у т. л. 30 у HD-якасці)[28]. У сетках іншых аператараў мабільнай і фіксаванай сувязі паслуга прадстаўляецца па тэхналогіі OTT і ўключае ў сябе больш за 100 тэлеканалаў. VOKA падтрымлівае розныя інтэрактыўныя функцыі: паўза, перамотка і архіў тэлеперадач, а таксама магчымасць працягнуць прагляд на іншай прыладзе. Для ўсіх карыстальнікаў сэрвісу даступны фільмы, мультфільмы і серыялы анлайн-кінатэатраў MEGOGO, «Амедиатека», START, ivi. Сэрвіс даступны для мабільных прылад на Android і iOS, для SmartTV на Tizen, WebOS, Android TV, праз прыстаўкі Redbox Mini, Xiaomi Mi Box 3, Apple TV (праз AirPlay). На камп’ютарах карыстацца відэасэрвісам можна праз праграму VOKA для Windows або на сайце.

У 2018 г. у сэрвісу VOKA пачаў з’яўляцца ўласны мэдыякантэнт: раздзелы «Наш футбол» і «Наш хакей» з трансляцыямі матчаў з удзелам беларускіх клубаў і зборных, live-трансляцыі канцэртаў, музычных фестываляў і іншых забаўляльных мерапрыемстваў, а таксама кіберспартыўных турніраў. Таксама для карыстальнікаў даступны раздзел «CINEVOKA — кіно па-беларуску», у якім размяшчаюцца вядомыя фільмы ў прафесійнай агучцы на беларускую мову[29].

28 студзеня 2019 г. у відэасэрвісе VOKA з’явілася самая вялікая ў краіне бібліятэка кантэнту ва ультравысокай раздзяляльнасці Ultra High-Definition (4K) [30].

Дата-цэнтр і ІКТ-паслугіПравіць

У верасні 2017 г.у Мінску velcom запусціў адзін з найбуйнейшых у Беларусі цэнтраў апрацоўкі даных (ЦАД). Дата-цэнтр займае плошчу ў 7,5 тыс. кв. м. Будаўніцтва дата-цэнтра заняла больш за 2 гады і абышлося ў $20 млн[31].

Дата-цэнтр velcom мае міжнародны сертыфікат Uptime Institute (UI) па ўзроўні адмоваўстойлівасці Tier III у катэгорыях Design і Facility. Чатыры модулі ЦАД разлічаны на 800 серверных стоек і маюць уласнае аптычнае кольца — 43 кіламетры сеткі з прапускной здольнасцю 1 Тбіт/сек. На сённяшні дзень запушчаны ў эксплуатацыю 1-ы модуль на 200 серверных стоек.

У цяперашні час дата-цэнтр прадстаўляе наступныя паслугі: размяшчэнне сервернага і сеткавага абсталявання (Colocation), арэнда віртуальных рэсурсаў для пабудовы IT-інфраструктуры (IaaS на базе платформы VMware), рэзервовае капіраванне і аднаўленне даных (Baas на базе прадуктаў Veeam Backup and Restore), прадстаўленне сервернага і сеткавага абсталявання ў арэнду (паслуга HaaS), воблачнае сховішча на базе Veeam Cloud Connect, віртуальная інфраструктура voblaka на базе тэхналогіі Exoscale, а таксама карыстанне праграмнымі прадуктамі Microsoft на ўмовах падпіскі і пашыраная тэхнічная падтрымка і абслугоўванне баз даных Oracle.

У сакавіку 2019 г. спектр паслуг, якія прадстаўляюцца, пашырыўся сэрвісамі бяспекі. Дата-цэнтр velcom прайшоў атэстацыю Аператыўна-аналітычнага цэнтра пры Прэзідэнце Рэспублікі Беларусь і запусціў паслугу «Воблака-62», прызначаную для юрыдычных асоб, якія працуюць з канфідэнцыяльнай інфармацыяй з высокай ступенню абароненасці[32].

Сонечная электрастанцыяПравіць

Летам 2016 года паблізу Брагіна (Гомельская вобласць) velcom запусціў сонечную электрастанцыю, якая складаецца з 85 тысяч сонечных панэлей[33]. Станцыя пабудавана на тэрыторыі, якая пацярпела ад аварыі на Чарнобыльскай АЭС і таму мала прыдатна для вядзення сельскай гаспадаркі. Для злучэння паміж сабой усіх сонечных модуляў кампанія velcom праклала каля 800 км кабельных ліній.

У кастрычніку 2017 г. у Любанскім раёне Мінскай вобласці velcom запусціў першую ў Беларусі базавую станцыю сувязі, якая працуе на сонечнай энергіі[34].

velcom cinemaПравіць

У жніўні 2017 г. у партнёрстве з сеткай кінатэатраў Silver Screen адкрыўся мультыплекс velcom cinema. Кінатэатр уключае ў сябе сем высокатэхналагічных кіназалаў[35].

З 2018 года на базе velcom cinema запушчаны праект па паказе артхаўснага кіно velcom Silver ART[36].

СтатыстыкаПравіць

На 31 сакавіка 2019 года паслугамі мабільнай сувязі кампаніі карысталіся больш за 4,85 млн абанентаў. Паслугамі фіксаванага доступу ў інтэрнэт і ТБ карысталіся 432 тыс. карыстальнікаў. Доля кампаніі на рынку мабільнай сувязі склала 41,8 %[26].

Мабільнай сувяззю 2G ахоплена 97,7 % тэрыторыі краіны, на якой пражывае 99,9 % насельніцтва (100 % гарадскіх жыхароў). 3G даступна на 97,1 % тэрыторыі краіны. Па стане на сакавік 2010 г. у сетцы velcom працавала 3 276[37] базавых станцый і 28 193 прыёмаперадатчыка ў 1341 населеным пункце краіны[38] па стане на ліпень 2009-га, а таксама 8 камутатараў: 3 у Мінску і па аднаму ў кожным абласным цэнтры.

Кліенты кампаніі могуць карыстацца паслугай міжнароднага роўмінгу ў 191 краіне свету ў сетках 382 аператараў[39]. Унітарнае прадпрыемства «Вэлком» мае ўласную сетку фірмовых цэнтраў продажу і абслугоўвання, якая складаецца з 87 офісаў у 32 гарадах Беларусі[40] і 10 цэнтраў для кліентаў фіксаванай сувязі. Дылерская сетка налічвае больш за 470 салонаў у 154 населеных пунктах.

2007 2008 2009 2010 2011 2012
Абанентаў, млн (доля на рынку) 3,059 (43,4 %[26]) 3,698 (44,8 %[26]) 4,102 (42,7 %[26]) 4,354 (41,9 %[26]) 4,620 (41,1 %[26]) 4,800 (43,5 %[26])
Пранікненне 71,5 % 85,1 % 99,4 % 109,6 % 118,8 % 116,6 %
2013 2014 2015 2016 2017 2018
Абанентаў, млн (доля на рынку) 4,947 (42,5 %[26]) 4,950 (42,4 %[26]) 4,956 (42,5 %[26]) 4,945 (43,2 %[26]) 4,864 (42,5 %[26]) 4,873 (42 %)
Пранікненне 123,0 % 123,3 % 123,0 % 120,3 % 120,5 % 122,4 %
Абанентаў фіксаванай сувязі, млн - - - 0,179 0,306 0,452

Выручка кампаніі (паводле даных міжнароднай фінансавай справаздачнасці) па выніках першага квартала 2019 г. склала 93,8 млн еўра, паказчык EBITDA (прыбытак да выліку выдаткаў па працэнтах, выплаты падаткаў і амартызацыйных адлічэнняў) — 42,6 млн еўра.

За 2018 год сума выручкі склала 936,4 млн рублёў, EBITDA — 394 млн рублёў[26].

Год Выручка, млн еўра EBITDA, млн еўра EBITDA Margin Аперацыйны даход, млн еўра Capex
2011 260,9 106,6 40,9 % -255,2 44,9
2012 301,2 124,4 41,3 % 29,5 43,7
2013 331,7 155,9 47,0 % 71,6 34,0
2014 355,0 172,4 48,6 % 82,2 48,5
2015 332,2 163,7 49,3 % 86,6 66,1
2016 321,0 151,5 47,2 % 87,8 73,7
2017 390,5 181,3 46,4 % 123,1 47,1
2018 390,9 177,7 45,5 % 90,3 49,7

Карпаратыўная сацыяльная адказнасцьПравіць

У спісе прыярытэтных напрамкаў карпаратыўнай сацыяльнай адказнасці кампаніі — дапамога дзецям і садзейнічанне захаванню нацыянальных каштоўнасцей[41].

Дапамога дзецямПравіць

У 2015 годзе быў запушчаны дабрачынны праект #velcombegom з мэтай аказання дапамогі дзіцячым медыцынскім установам і садзейнічанню прасоўвання здаровага ладу жыцця і папулярызацыі бегу[42]. Бенефіцыярамі акцыі былі рэспубліканскія дзіцячыя цэнтры медыцынскай рэабілітацыі, Дом-інтэрнат для дзяцей-інвалідаў c асаблівасцямі псіхафізічнага развіцця і іншыя дзіцячыя медыцынскія ўстановы. Гэта адна з найбольш маштабных сацыяльных ініцыятыў кампаніі velcom: штогод праводзяцца 2-3 дабрачынныя акцыі. У 2018 г. акцыя «Бягучыя гарады» #velcombegom стала пераможцам Міжнароднага конкурсу камунікацыйных праектаў Eventiada IPRA Golden World Awards 2018 у намінацыі «За лепшы праект у сферы здаровага ладу жыцця»[43].

Падтрымкай людзей з аўтызмам velcom займаецца з 2015 г. У 2016 г. па ініцыятыве МДГА «Дзеці. Аўтызм. Бацькі» і кампаніі velcom на базе Студыі Пушкаровай быў створаны Сямейны інклюзіў-тэатр «і», якому кампанія аказвае фінансавую і інфармацыйную падтрымку ў якасці генеральнага партнёра. З 2016 г. velcom прымае ўдзел у штогадовай міжнароднай акцыі Light It Up Blue 2 красавіка, накіраванай на падтрымку людзей з аўтызмам[44].

Праект «Я бачу!» рэалізуецца velcom з 2016 г. сумесна з Беларускім дзіцячым фондам пры падтрымцы Міністэрства аховы здароўя Рэспублікі Беларусь. Мэта праекта — дапамога ў своечасовай дыягностыцы і выяўленне ранніх парушэнняў зроку ў дзяцей школьнага ўзросту, якія пражываюць у сельскай мясцовасці. У 2016 г. дабрачынны праект «Я бачу!» праходзіў у Магілёўскай вобласці, у 2017 г. — у Гомельскай, у 2018 г. — у Брэсцкай. У 2019 г. праект «Я бачу!» працягнецца ў сельскіх школах Віцебскай вобласці[45].

Падтрымка беларускай мовы і культурыПравіць

velcom падтрымлівае ініцыятывы, накіраваныя на павышэнне цікавасці да беларускай нацыянальнай спадчыны, традыцый, гісторыі, культуры і мастацтва.

З 2015 года кампанія velcom пры падтрымцы Камітэта па адукацыі Мінгарвыканкама распачала сацыяльна арыентаваны і адукацыйны праект «Чытаем па-беларуску з velcom». Цягам трох месяцаў больш за 3000 мінскіх школьнікаў сталі ўдзельнікамі акцыі, праект ахапіў 32 агульнаадукацыйныя школы Мінска, а таксама дзве школы для дзяцей з асаблівасцямі развіцця. У 2016 ініцыятыва ахапіла школы па ўсёй Беларусі. Перад вучнямі пачатковых класаў выступалі вядомыя асобы, у т.л. Уладзімір Ліпскі, Юрый Жыгамонт, Раіса Баравікова, Таццяна Сівец, Андрусь Такінданг, Аліна Талай і іншыя. 11 кастрычніка 2017 года стартаваў новы этап праекта «Чытаем па-беларуску з velcom», на гэты раз у фармаце рэспубліканскага анлайн-конкурсу, для навучэнцаў 7–8 класаў з усёй Беларусі. Удзельнікам прапанавалася запісаць відэа, на якім яны чытаюць адзін з твораў беларускай літаратуры, а затым размясціць відэа на асабістай старонцы ў адной з сацыяльных сетак. На прапанову арганізатараў праекта адгукнуліся таксама прадстаўнікі пасольстваў Швецыі, Кыргызстана, Славакіі, Чэхіі і Фінляндыі, яны прачыталі на відэа творы беларускіх аўтараў у падтрымку ўдзельнікаў конкурсу[46].

У рамках праекта «Беларускія ўікэнды», які velcom праводзіць сумесна з кампаніяй «Кінаконг», былі перакладзены і агучаны па-беларуску такія фільмы, як «Хронікі Нарніі: Леў, Вядзьмарка і Адзежная шафа», «Маленькі прынц», «Форэст Гамп», «Шторм», «Кніга Ілая», «Неверагоднае жыццё Уолтэра Міці», «Рыбка Поньё на ўцёсе», «Вецер мацнее», «Мой сябар жырафа», «Вогненныя калясніцы», «Неверагодны містэр Фокс». Фільмы праекта былі паказаны ў больш чым 60 кінатэатрах краіны, а сеансы наведалі больш за 50 тысяч гледачоў[47].

У 2018 годзе кампанія velcom пры падтрымцы Міністэрства адукацыі Рэспублікі Беларусь, а таксама арганізатараў канферэнцый TEDxMinsk запусціла сацыяльна-адукацыйны праект velcom YOUTH для старшакласнікаў, якія хочуць змяніць навакольны свет да лепшага. У першым сезоне ў праекце прынялі ўдзел больш за 800 канкурсантаў[48] з 230 навучальных устаноў сярэдняй адукацыі па ўсёй краіне. Уся камунікацыя (ад падачы заяўкі да прэзентацыі праекта ў фінале) у праекце velcom YOUTH вядзецца на беларускай мове. Фінал праекта прайшоў 18 мая 2019 у фармаце TEDxYouth@Minsk.

Зноскі

  1. 1,0 1,1 Results for the Full Year 2018 A1 TAG
  2. velcom объявил о репозиционировании на рынке и сменит бренд на А1
  3. BELNETMON — Net Monitor in Belarus — Колькасць абонентаў у Беларусi
  4. В зоне отчуждения в Чернобыле запустили мобильную связь (руск.) . www.onliner.by. Праверана 23 красавіка 2019.
  5. Девять БС и один человек в кол-центре. Как 20 лет назад начиналась GSM-связь в Беларуси (руск.) . www.onliner.by. Праверана 10 красавіка 2019.
  6. VELCOM: ТЕХНОЛОГИЯ EDGE ДОСТУПНА В ТРЕХ ОБЛАСТЯХ БЕЛАРУСИ (руск.) . www.velcom.by. Праверана 11 лістапада 2018.
  7. velcom становится полноправным 3G-оператором. Архівавана з першакрыніцы 1 сакавіка 2011. Праверана 5 красавіка 2010.
  8. velcom | A1 получил четвертую частоту для 3G (руск.) . Onliner.by. Праверана 4 мая 2019.
  9. За границей как дома: velcom | A1 предложил 1 ГБ трафика в роуминге всего за Br5,9 (руск.) . interfax.by. Праверана 3 чэрвеня 2019.
  10. ИП «МЦС» изменило своё официальное название на ИП «Велком» и модернизировало бренд Архіўная копія ад 19 мая 2008 на Wayback Machine
  11. О приостановлении оказания услуги «Высокоскоростной мобильный интернет» в некоторых областных и районных центрах (руск.) . www.velcom.by. Праверана 12 лістапада 2018.
  12. velcom - velcom запустил первую в стране сеть для «интернета вещей» (руск.) . www.velcom.by. Праверана 31 сакавіка 2018.
  13. velcom запустил для своих абонентов звонки по Wi-Fi (руск.) . www.velcom.by. Праверана 11 лістапада 2018.
  14. Абонентам телеком-оператора velcom стала доступна 4G-сеть (руск.) . www.velcom.by. Праверана 21 сакавіка 2019.
  15. velcom | A1 завершил проект по улучшению качества связи вдоль «критских коридоров» (руск.) . velcom.by. Праверана 12 чэрвеня 2019.
  16. Ян Альшэўскі velcom | A1 запустил в тестовом режиме связь в тоннелях Московской линии метро (руск.)  (29 красавіка 2019). Праверана 29 красавіка 2019.
  17. velcom | A1 обеспечил связью тоннели Автозаводской линии минского метро (руск.)  (14 мая 2019). Праверана 14 мая 2019.
  18. «Хартия’97», «Velcom действительно продали», 22 августа 2007 Архіўная копія ад 30 верасня 2007 на Wayback Machine
  19. Telekom Austria Group Enters the Belarusian Mobile Communications Market (англ.) 
  20. velcom предлагает бизнесу выгодный безлимитный фиксированный интернет (руск.) . www.velcom.by. Праверана 11 лістапада 2018.
  21. Официально: velcom покупает "Атлант Телеком" (руск.)  . Праверана 31 сакавіка 2018.
  22. Провайдеры "Саммит", "Айчына Плюс" и "Драйв" передали активы velcom (руск.) . tvnews.by. Праверана 28 снежня 2018.
  23. Константин Сидорович velcom купил еще одного интернет-провайдера — гомельский «Гарант». Возможны новые поглощения - Технологии onliner.by (руск.) . Onliner.by. Праверана 31 сакавіка 2018.
  24. velcom сообщил о завершении сделки по покупке витебского «Гаранта» (руск.) . Народные новости Витебска. Праверана 6 кастрычніка 2018.
  25. velcom - velcom продолжает расширять базу клиентов фиксированного интернета (руск.) . www.velcom.by. Праверана 31 сакавіка 2018.
  26. 26,00 26,01 26,02 26,03 26,04 26,05 26,06 26,07 26,08 26,09 26,10 26,11 26,12 26,13 Interim Results — A1 Telekom Austria Group(англ.) 
  27. velcom - Абоненты домашнего интернета velcom переходят на единую платформу VOKA (руск.) . www.velcom.by. Праверана 31 сакавіка 2018.
  28. velcom ввел «оптовый» тариф для телевидения VOKA
  29. Самый интерактивный видеосервис Беларуси. История продвижения VOKA в 2018 году
  30. В видеосервисе VOKA появился 4K-контент
  31. velcom открыл крупнейший в Беларуси дата-центр (руск.) . www.velcom.by. Праверана 4 красавіка 2019.
  32. velcom запускает новый облачный сервис для хранения конфиденциальных данных (руск.) . www.velcom.by. Праверана 4 красавіка 2019.
  33. velcom запустил солнечную электростанцию размером с 60 футбольных полей (руск.) . www.onliner.by. Праверана 11 лістапада 2018.
  34. velcom запустил базовую станцию на солнечных батареях (руск.) . naviny.by. Праверана 3 красавіка 2019.
  35. Интерьер hi-tech, 7 кинозалов, билеты от 7 до 26 рублей. Как выглядит новый мультиплекс в Dana Mall (руск.) . www.onliner.by. Праверана 18 красавіка 2019.
  36. В Минске покажут три фильма Альмодовара с общим мировым сбором почти $76 млн (руск.) . officelife.media. Праверана 18 красавіка 2019.
  37. Финансовые итоги деятельности ИП «Велком» за первый квартал 2010 года(руск.) 
  38. Итоги развития сети в июле(руск.)  Архіўная копія ад 5 жніўня 2009 на Wayback Machine
  39. velcom предоставил услуги интернет-роуминга абонентам ПРИВЕТ(руск.) 
  40. Пра кампанію(бел.) 
  41. Velcom выходит за рамки сферы деятельности мобильного оператора
  42. 22 августа в Гродно пройдет акция «Бегущие города» благотворительного проекта #velcombegom
  43. «Бегущие города #velcombegom» стал победителем Международного конкурса коммуникационных проектов в Москве
  44. «Зажги синим!»: в рамках социальной акции velcom минские здания включили синюю подсветку
  45. Итоги проекта «Я вижу!»: в Брестской области
  46. Паслы замежных дзяржаў масава загаварылі па-беларуску
  47. 57 тысяч гледачоў «Беларускіх уікэндаў»: як у velcom атрымалася падтрымаць кіно на беларускай мове
  48. Участники velcom YOUTH приступают к реализации своих идей

СпасылкіПравіць