Адкрыць галоўнае меню
Вялікая Усурка

Вялікая Усурка (руск.: Большая Уссурка) — рака на Далёкім Усходзе Расіі, у Прыморскім краі. Адзін з найбольш буйных прытокаў ракі Усуры.

Да 1972 года — рака Іман. Пераназваная пасля ўзброенага канфлікту за востраў Даманскі. Даўжыня — 440 км, плошча басейна — 29 600 км². Бярэ пачатак у Дальнегорскай гарадской акрузе на заходніх схілах Цэнтральнага Сіхатэ-Аліна і ля горада Дальнерэчанск упадае ў раку Усуры на адлегласці 357 км ад яе вусця. Рачная сетка басейна найбольш развіта ў верхняй і сярэдняй частках.