Святаслаў (Логін)
Святаслаў (свецк. Вячаслаў Вячаслававіч Логін, нар. 26 лістапада 1964, Чарнігаў, УССР) — беларускі праваслаўны святар, архіепіскап Беларускай аўтакефальнай праваслаўнай царквы.
Святаслаў | |||||||
|---|---|---|---|---|---|---|---|
|
|||||||
| Царква | Беларуская аўтакефальная праваслаўная царква | ||||||
| Папярэднік | Ізяслаў (Бруцкі) | ||||||
| Адукацыя | |||||||
| Дзейнасць | святар, інжынер | ||||||
| Нараджэнне |
26 лістапада 1964 (59 гадоў) |
||||||
| Бацька | Вячаслаў Логін | ||||||
| Маці | Людміла Логін (Сіз) | ||||||
| Узнагароды |
 |
||||||
Біяграфія правіць
Нарадзіўся 26 лістапада 1964 года ў Чарнігаве ў сям’і інжанераў Вячаслава і Людмілы (Сіз). Род паходзіць з Наваградчыны, дзед Андрэй Логін і яго брат Язэп Логін (растраляны ў 1930-я гады) былі беларускімі фалькларыстамі. Дзед па лініі маці — Даніла Сіз у 1930-я гады скончыў Гомельскі чыгуначны тэхнікум.
У 1986 годзе скончыў Кіеўскі політэхнічны інстытут, працаваў інжынерам. У 1994—1999 гадах навучаўся ў Кіеўскай духоўнай семінарыі, пасля сканчэння яе, у 1999—2000 гадах навучаўся на тэалагічным факультэце Манітобскага ўніверсітэта (Праваслаўны Калегіум св. Андрэя ў Вініпегу, Канада).
27 жніўня 2000 года рукапакладзены ў сан дыякана, а 17 снежня 2000 года — святара Беларускай аўтакефальнай праваслаўнай царквы ў Таронта і прызначаны на мясцовую парафію. У 2002-07 служыў настаяцелем парафіі ў Хайленд-Парку (штат Нью-Джэрсі, ЗША). У 2005-06 быў в/а настаяцеля кафедральнага сабора св. Кірылы Тураўскага ў Нью-Ёрку. З 2007 года — настаяцель парафіі ў Таронта.
Вячаслаў Логін вёў Царкоўны Сабор у жніўні 2003 года, калі было абвешчана аб спыненні спрэчак унутры царквы[1].
У лютым 2008 года прымае манашы пострыг з імем Святаслаў у манастыры св. Чатырох Евангелістаў (УАПЦ у ЗША) у Х’юстане. 24 лютага 2008 года ў Дэтройце архіепіскапам Аляксандрам (УАПЦ у ЗША) узведзены ў сан ігумена і архімандрыта. 11 мая 2008 года быў абраны епіскапам БАПЦ. Абрад хіратоніі быў выкананы архіепіскапам Уманскім і Дэтройцкім Аляксандрам, епіскапам Барыспальскім Пасіем ды епіскапам Х’юстанскім і Тэхаскім Макарыюсам пры дапамозе святарства і пры ўдзеле вялікай колькасці вернікаў з Нью-Ёрку, Нью-Джэрсі і Канады[2].
Спрабаваў наведаць Рэспубліку Беларусь 31 ліпеня 2015 года, але пры перасячэнні мяжы яму было аб’яўлена, што ўезд у краіну забаронены[3].
Узнагароды правіць
Узнагароджаны медалём 100 гадоў БНР Рады Беларускай Народнай Рэспублікі[4].
Зноскі
- ↑ Хіратанізаваны новы епіскап БАПЦ// Наша Ніва. 12 мая 2008
- ↑ Хіратонія архімандрыта Святаслава ў епіскапа БАПЦ // Беларуская Аўтакефальная Праваслаўная Царква. 11 мая 2008
- ↑ Беларусы ў свеце. No9 (161), верасень 2015.
- ↑ Алексіевіч, Пазьняк, Вольскі, Эрыксан, Белавус. Хто яшчэ ўзнагароджаны мэдалём у гонар БНР-100
Спасылкі правіць
- belapc.org Архівавана 25 студзеня 2015.