Вячаслаў Пятровіч Палескі

Вячасла́ў Пятровіч Пале́скі (сапр. Станкевіч; 21 кастрычніка (3 лістапада) 1912, в. Астрагляды, Рэчыцкі павет, Мінская губерня, Расійская імперыя — 18 чэрвеня 1971) — беларускі драматург, заслужаны дзеяч культуры Беларускай ССР (1967).

Вячаслаў Пятровіч Палескі
Асабістыя звесткі
Дата нараджэння	3 лістапада 1912(1912-11-03)
Месца нараджэння	Астрагляды, Рэчыцкі павет, Мінская губерня, Расійская імперыя
Дата смерці	18 чэрвеня 1971(1971-06-18) (58 гадоў)
Грамадзянства	Расійская імперыя  СССР
Месца працы	Палеская праўда Савецкая Беларусь Калгаснік Беларусі Савецкая Беларусь Звязда Дзяржаўны камітэт БССР па тэлебачанні і радыёвяшчанні
Прафесійная дзейнасць
Род дзейнасці	драматург, перакладчык
Мова твораў	беларуская
Грамадская дзейнасць
Член у	Рэвізійная камісія КПБ Цэнтральны камітэт КПБ Саюз пісьменнікаў СССР
Узнагароды
Творы ў Вікікрыніцах

Біяграфія

У 1929 годзе скончыў дзевяцігадовую школу з педагагічным ухілам. Працаваў настаўнікам у школе ў вёсцы Лазараўка Рэчыцкага раёна. З 1930 года працаваў у газеце «Палеская праўда», «Савецкая Беларусь», «Калгаснік Беларусі», у 1941—1944 гадах — на радыёстанцыі «Савецкая Беларусь» у Маскве. З 1944 года адказны сакратар, намеснік рэдактара газеты «Звязда». З 1961 года намеснік старшыні, у 1965—1971 гадах старшыня Дзяржаўнага камітэта Савета Міністраў БССР па радыёвяшчанні і тэлебачанні.

Дэпутат Вярхоўнага Савета БССР 8-га склікання. На XXVI з’ездзе КПБ быў абраны членам Рэвізійнай камісіі КПБ, на XXVII з’ездзе КПБ быў абраны членам ЦК КПБ. Член Саюза пісьменнікаў СССР з 1949 года.

Творчасць

Дэбютаваў у 1928 годзе вершам. Друкаваўся з 1930 года. Аўтар п’ес пра пасляваеннае аднаўленне народнай гаспадаркі, калектывізацыю і жыццё калгаснай вёскі «Песня нашых сэрцаў» (пастаўлена ў 1949), «Калі зацвітаюць сады» (пастаўлена ў 1950), «Гарачыя пірагі» (1958). Пераклаў на беларускую мову п’есы «Палата» С. Алёшына і «Ноч памылак» О. Голдсміта.

Творы

• П’есы. — Мн., 1976.

Узнагароды

• Заслужаны дзеяч культуры БССР (1967)
• Ордэн Працоўнага Чырвонага Сцяга
• 2 ордэны «Знак Пашаны»

Літаратура

• Пале́скі (сапр. Станкевіч) Вячаслаў Пятровіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 550. — 10 000 экз. — ISBN 985-11-0035-8. — ISBN 985-11-0188-5 (т. 11).
• Вячаслаў Палескі // Беларускія пісьменнікі (1917—1990): Даведнік / Склад. А. К. Гардзіцкі. Нав. рэд. А. Л. Верабей. — Мн.: Мастацкая літаратура, 1994. — С. 413. — 653 с.: іл. — 22 000 экз. — ISBN 5-340-00709-X.

Спасылкі

• Палескі (сапраўднае Станкевіч) Вячаслаў Пятровіч на сайце анлайн-энцыклапедыі «Беларусь у асобах і падзеях»