Вячэрні Гродна

Вячэ́рні Гро́дна — рэгіянальны інфармацыйна-аналітычны штотыднёвік. Выдаецца на дзвюх мовах — рускай і беларускай.

«Вячэрні Гродна»
Арыгінальная назва	руск.: Вечерний Гродно Вячэрні Гродна
Тып	газета
Фармат	А3
Выдавец	рэдакцыя газеты «Вячэрні Гродна»
Галоўны рэдактар	Аляксандр Васілевіч Кучынскі
Заснавана	1 чэрвеня 2000
Мова	руская беларуская
Перыядычнасць	штотыдзень
Аб’ём	32 старонкі
Галоўны офіс	г. Гродна, 230025, вул. Сацыялістычная, 32
Тыраж	21 100
Вэб-сайт	vgr.by

Агульныя звесткі

Заснавана ў 2000 годзе. Пілотны нумар выйшаў 1 чэрвеня 2000 года, рэгулярна газета стала выходзіць з ліпеня 2000 года тыражом у 10 000 асобнікаў. З 2000 па 2004 год друкавалася фарматам А-2, 16 палос. У кастрычніку 2004 года перайшлі на А-3 фармат, 32 паласы. За час існавання газеты наклад вырас з 10 000 да 25 000 асобнікаў. На старонках выдання прысутнічаюць рубрыкі: палітыка, эканоміка, соцыум, права, культура, спорт і іншыя. Перыядычна рыхтуюцца тэматычныя старонкі: «Деловая среда», «Гость "Вечёрки"», «Четыре колеса», «Детская площадка», «Территория читателя», «Машина времени», «Женский клуб», «Молодежный бульвар».

Газета друкуецца ў ГАУПП «Гродненская типография». Дзень выхаду — серада. Распаўсюджваецца ў Гродна і ўсіх раёнах вобласці праз «Белсаюздрук», гандлёвую сетку, грамадскіх распаўсюднікаў, а таксама існуе падпіска па ўсёй Беларусі.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Афіцыйная старонка
• Афіцыйная старонка Вячэрняга Гродна у сацыяльнай сетцы «ВКонтакте»