Восава (Мядзельскі раён)

Во́сава (трансліт.: Vosava, руск.: Осово) — вёска ў Мядзельскім раёне Мінскай вобласці. Уваходзіць у склад Княгінінскага сельсавета.

Вёска Восава Краіна Беларусь Вобласць Мінская Раён Мядзельскі Сельсавет Княгінінскі Каардынаты 54°43′24″ пн. ш. 27°12′14″ у. д. Колькасць двароў 169 Насельніцтва 414 чалавек (1997) Часавы пояс UTC+3 Тэлефонны код +375 1797 Паштовы індэкс 222378 Аўтамабільны код 5 Восава на карце Беларусі ±

Гісторыя

• 1904 год — з'яўлялася вёскай у Крывіцкай воласці Вілейскага павета Віленскай губерні. Вёска налічвала 419 жыхароў.
• З 1885 года ў вёсцы працавала школа граматы. У 1896/97 навучальным годзе ў ёй навучаліся 10 хлопчыкаў і 1 дзяўчынка.
• 1921 год — знаходзіцца ў складзе Крывіцкай гміны Вілейскага павета Віленскага ваяводства. У складзе вёскі знаходзіліся 86 двароў і 424 жыхары.
• 1931 год — знаходзіцца ў складзе Крывіцкай гміны Вілейскага павета Віленскага ваяводства. У складзе вёскі знаходзіліся 98 двароў і 506 жыхароў.
• 12 кастрычніка 1940 года вёска стала цэнтрам Восаўскага сельсавета ў складзе Крывіцкага раёна Вілейскай вобласці (з 20 верасня 1944 года — Маладзечанскай).
• У верасні 1943 года падчас Вялікай Айчыннай вайны нямецка-фашысцкія захопнікі спалілі 10 двароў і забілі 2 жыхароў.
• 1948 год — у вёсцы адчыненая крама.
• 1949 год — створаны калгас «Гарадзеец».
• 16 ліпеня 1954 года — вёска ўвайшла ў склад Княгінінскага сельсавета.
• 20 студзеня 1960 года вёска ўвайшла ў склад Мінскай вобласці.
• 1960 год — насельніцтва вёскі складала 472 жыхары.
• З 25 снежня 1962 года вёска знаходзіцца ў складзе Мядзельскага раёна.
• З 7 студзеня 1964 года вёска з'яўляецца цэнтрам саўгаса «Восаўскі».

На 1 студзеня 1997 года вёска налічвала 169 двароў і 414 жыхароў.

Інфраструктура

У вёсцы размяшчаюцца праўленне калгаса, аддзяленне сувязі, аддзяленне ашчаднага банка, Дом культуры, бібліятэка, фельчарска-акушэрскі пункт, сярэдняя школа, крама, сталоўка, гаспадарчы двор, тэхнічныя майстэрні, жывёлагадоўчая ферма, ААТ «Газсэрвіс», прыватная крама.

Ушанаванне памяці

У 1970 годзе каля будынка вясковай школы быў усталяваны абеліск на ўшанаванне памяці 49 жыхароў вёсак Вытраскі, Гарадзішча, Кіржана, Восава, Палавікі, Холма, Халмоўка і Янушова, якія загінулі ў Вялікую Айчынную вайну.

Літаратура

• Памяць: Гісторыка-дакументальная хроніка Мядзельскага раёна. Мінск, «Беларуская Энцыклапедыя» імя Петруся Броўкі, 1998. ISBN 985-11-0107-9

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх