Гутава

Гу́тава (трансліт.: Hutava, руск.: Гутово) — вёска ў Драгічынскім раёне Брэсцкай вобласці. Уваходзіць у склад Драгічынскага сельсавета.

Вёска Гутава Краіна Беларусь Вобласць Брэсцкая Раён Драгічынскі Сельсавет Драгічынскі Каардынаты 52°11′22″ пн. ш. 25°20′28″ у. д. Першая згадка 1502 Вышыня цэнтра 138 м Насельніцтва ▼450 чал. (2009) Часавы пояс UTC+3 Тэлефонны код +375 1644 Паштовыя індэксы 225846 Аўтамабільны код 1 Гутава на карце Беларусі ±

Насельніцтва

• 499 жыхароў, 196 двароў (1995)

Гісторыя

Першая згадка населенага пункта ў пісьмовых крыніцах адносіцца да 1502 года.

З 1795 па 1920 вёска была часткай Варацэвіцкай воласці Кобрынскага павета. У 60-я гады XIX стагоддзя ў Гутаўскай сельскай абшчыне пражывала 435 рэвізскіх душ (дзяржаўных сялян, 218 мужчын і 217 жанчын), якія раней адносіліся да восьмай Радагошскай сельскай абшчыны. У 1886 годзе ў вёсцы было 46 двароў, насельніцтва складала 513 чалавек. У 1905 годзе насельніцтва вёскі склала 787 чалавек.

З 1921 па 1939 год вёска была ў складзе Варацэвіцкай гміны Польшчы. У 1921 годзе ў населеным пункце пражывала 332 чалавекі (сярод іх 312 — праваслаўныя хрысціяне, 3 — каталікі, 17 — іудзеі). Як і ў 1921 годзе, у 30-я гады XX стагоддзя населены пункт налічваў 74 двары.

У 1995 годзе ў вёсцы налічвалася 196 двароў і 499 жыхароў.

Да 17 верасня 2013 года вёска ўваходзіла ў склад і з’яўлялася цэнтрам Гутаўскага сельсавета.

Славутасці

• драўляная Свята-Міхайлаўская царква (архітэктар М. В. Раманаў)

Выбітныя асобы

• Мікола Федзюковіч, беларускі паэт, перакладчык
• Ала Канстанцінаўна Кабаковіч (1943—1985) — беларускі літаратуразнавец, крытык, паэтэса, перакладчык.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх