Дружба (Брэсцкі раён)

Дружба
Краіна	Беларусь
Вобласць	Брэсцкая
Раён	Брэсцкі
Сельсавет	Чарнаўчыцкі
Каардынаты	52°11′12″ пн. ш. 23°42′02″ у. д.HGЯO
Ранейшыя назвы	Cкорбічы
Насельніцтва	▲148 чал. (2019);
Часавы пояс	UTC+3
Тэлефонны код	+375 162
Паштовыя індэксы	225031
Аўтамабільны код	1
СААТА	1212846026

Дру́жба^[1] (трансліт.: Družba, руск.: Дружба^[1]; да 30 ліпеня 1964 года Cко́рбічы) — вёска ў Брэсцкім раёне Брэсцкай вобласці. Уваходзіць у склад Чарнаўчыцкага сельсавета. Размешчана за 12 км на поўнач ад Брэста.

У складзе камунальнага ўнітарнага сельскагаспадарчага прадпрыемства «Садрассвет» (цэнтр — в. Вістычы). Ёсць магазін.

Гісторыя правіць

Выяўленыя археолагамі два селішчы паблізу вёскі сведчаць, што гэта мясцовасць была заселена людзьмі яшчэ ў глыбокай старажытнасці.

Паводле пісьмовых крыніц вёска вядома з XV стагоддзя пад назвай Скорбічы ў Берасцейскай воласці Троцкага ваяводства Вялікага Княства Літоўскага. Пад 1449 годам пазначана ў даравальных запісах вялікіх князёў літоўскіх.

У XIX стагоддзі вёска — дзяржаўная ўласнасць у Брэсцкім павеце Гродзенскай губерні, уваходзіла ў склад казённага маёнтка Цюхінічы. У 1860 годзе ў Мяднянскай воласці Брэсцкага павета. У 1870 годзе адносілася да Цюхініцкай сельскай грамады, працаваў хлебазапасны магазін. У 1897 годзе працавала школа граматы, хлебазапасны магазін.

У 1905 годзе ў Косіцкай воласці Брэсцкага павета Гродзенскай губерні. Паводле Рыжскага мірнага дагавора 1921 года ў складзе Польскай Рэспублікі, у Косіцкай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну гітлераўцы знішчылі 5 двароў, загубілі 16 жыхароў; 21 вясковец загінуў на фронце.

Да 3 чэрвеня 1957 года вёска ўваходзіла ў склад Чэрнеўскага сельсавета^[2].

30 ліпеня 1964 года Скорбічы перайменаваны ў Дружбу^[3].

Насельніцтва правіць

246 жыхароў (1860)
246 рэвізскіх душ (1870)
61 двор, 484 жыхары (1897)
484 жыхары (1905)
26 двароў, 170 жыхароў (1921)
89 двароў, 278 жыхароў (1940)
340 жыхароў (1959)
269 жыхароў (1970)
68 гаспадарак, 211 жыхароў (1997)
58 гаспадарак, 137 жыхароў (2005)

Славутасці правіць

Селішча-1 перыяду ранняга сярэднявечча (IX—X стагоддзі), за 0,2 км на поўнач ад вёскі, уздоўж правага берага р. Лясная. — Гісторыка-культурная каштоўнасць Беларусі, шыфр 113В000083шыфр 113В000083
Селішча-2 перыяду ранняга сярэднявечча (IX—X стагоддзі), на поўнач ад селішча-1, за безыменным ручаём. — Гісторыка-культурная каштоўнасць Беларусі, шыфр 113В000084шыфр 113В000084
Бескурганны могільнік перыяду ранняга жалезнага веку (IV—I стагоддзі да н.э.), на паўднёвым ускрайку вёскі. — Гісторыка-культурная каштоўнасць Беларусі, шыфр 113В000085шыфр 113В000085

Зноскі

↑ ^а ^б Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU).
↑ Рашэнне выканкома Брэсцкага абласнога Савета дэпутатаў працоўных ад 3 чэрвеня 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1957, № 7.
↑ Указ Прэзідыума Вярхоўнага Савета Беларускай ССР Аб перайменаванні некаторых населеных пунктаў Беларускай ССР ад 30 ліпеня 1964 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1964, № 23 (1063).

Літаратура правіць

Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі правіць

На Вікісховішчы пакуль няма медыяфайлаў па тэме, але Вы можаце загрузіць іх

[ReferenceA-1] а ^б Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU).

[2] Рашэнне выканкома Брэсцкага абласнога Савета дэпутатаў працоўных ад 3 чэрвеня 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1957, № 7.

[3] Указ Прэзідыума Вярхоўнага Савета Беларускай ССР Аб перайменаванні некаторых населеных пунктаў Беларускай ССР ад 30 ліпеня 1964 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1964, № 23 (1063).

[1]

[2]

[3]