Котра (Гродзенскі раён)

Котра
Краіна	Беларусь
Вобласць	Гродзенская
Раён	Гродзенскі
Сельсавет	Абухаўскі
Каардынаты	53°35′08,40″ пн. ш. 24°11′19,90″ у. д.HGЯO
Насельніцтва	▼220 чал. (2009);
Часавы пояс	UTC+3
Тэлефонны код	+375 15
Аўтамабільны код	4
СААТА	4220860031

Ко́тра^[1] (трансліт.: Kotra, руск.: Котра) — вёска ў Гродзенскім раёне Гродзенскай вобласці. Уваходзіць у склад Абухаўскага сельсавета.

Назва правіць

Вёска атрымала назву ад ракі Котра, якая працякае побач.

Гісторыя правіць

Юраўская царква ў пачатку XX ст.

У 1550 годзе як ужо дзейны, адзначаны ў в. Котра рымска-каталіцкі касцёл Гродзенскага дэканата Віленскай дыяцэзіі. Але пазнейшых звестак аб святыні ў Котры пакуль не знойдзена. Магчыма, касцёл быў знішчаны падчас «шведскага патопу» і больш не адрадзіўся. У ХIХ ст., калі вёска належала Багаткам, тут дзейнічала капліца ад Азёрскай парафіі. Да 1839 г. на могілках дзейнічала грэка-каталіцкая капліца ад Скідзельскай уніяцкай парафіі (магчыма, гаворка ідзе пра тую самую святыню). У міжваенны час капліца тут ужо не згадвалася, яна магла знікнуць падчас Першай сусветнай вайны. Да 1939 г. вернікі ў Котры збіраліся пры паліхромнай фігуры Панны Марыі з маленькім Езусам, якая стаяла ў панскай сядзібе. Чырвонаармейцы скінулі фігуру Маці Божай з пастамента, тады вернікі перавезлі яе ў сад каля в. Гушчыцы. У 1990-я гады статуя была перавезена ў Кашубінцы, дзе ўсталявана перад уваходам у касцёл^[2].

Да 29 верасня 1972 года вёска ўваходзіла ў склад Скідальскага сельсавета^[3].

Славутасці правіць

Ля вёскі знаходзілася Царква Георгія Пераможцы.

Вядомыя асобы правіць

Фларыян Выганоўскі (1854 — паміж 1914 і 1929) — латвійскі архітэктар беларускага паходжання.

Зноскі

↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).
↑ slowo.grodnensis.by
↑ Рашэнне выканаўчага камітэта Гродзенскага абласнога Савета дэпутатаў працоўных ад 29 верасня 1972 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 31 (1369).

Спасылкі правіць

На Вікісховішчы пакуль няма медыяфайлаў па тэме, але Вы можаце загрузіць іх

[1] Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).

[2] slowo.grodnensis.by

[3] Рашэнне выканаўчага камітэта Гродзенскага абласнога Савета дэпутатаў працоўных ад 29 верасня 1972 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 31 (1369).

[1]

[2]

[3]