Кучкуны (Валожынскі раён)

Кучкуны
Краіна	Беларусь
Вобласць	Мінская
Раён	Валожынскі
Сельсавет	Ракаўскі
Каардынаты	53°59′49″ пн. ш. 27°06′10″ у. д.HGЯO
Насельніцтва	▲61 чал. (2019);
Часавы пояс	UTC+3
Тэлефонны код	+375 1772
Паштовыя індэксы	222365
Аўтамабільны код	5
СААТА	6220857086
	Кучкуны на Вікісховішчы

Кучкуны́^[1] (трансліт.: Kučkuny, руск.: Кучкуны) — вёска ў Валожынскім раёне Мінскай вобласці. Уваходзіць у склад Ракаўскага сельсавета. Знаходзіцца за 46 км на паўднёвы ўсход ад Валожына, за 16 км ад чыгуначнай станцыі Беларусь на лініі Мінск — Маладзечна, за 40 км ад Мінска. 12 гаспадарак, 18 жыхароў (2008).

Назва правіць

Назва адыменнага паходжання. Прозвішча Kučkūnas вядомае ў сучаснай літоўскай антрапаніміі. З дапамогай дымінутыўнага пашыральніка -k- і патранімічнага пашыральніка -ūn- яно ўтворанае ад антрапоніма (даўнейшага імя) тыпу Kukas, Kukys.

Побач з Кучкунамі Бузуны з назвай падобнага ўтварэння (< Buzūnas), а таксама Гервелі (< Gervelis).

Геаграфія правіць

Рэльеф раўнінны, вакол лес. Транспартныя сувязі па мясцовай дарозе і далей па шашы Мінск — Валожын.

Планіровачна складаецца з просталінейнай вуліцы, арыентаванай з паўднёвага захаду на паўночны ўсход і забудаванай двухбакова драўлянымі дамамі сядзібнага тыпу.

Гісторыя правіць

Вядома з XVIII стагоддзя. У 1800 годзе вёска, 8 двароў, 65 жыхароў, у Мінскім павеце Мінскай губерні, уласнасць ракаўскага базыльянскага кляштара. У 1815 годзе 40 жыхароў мужчынскага полу. У 1858 годзе вёска была ўласнасцю казны, побач размяшчаўся маёнтак. Паводле перапісу 1897 года 19 двароў, 100 жыхароў і фальварак, 1 двор, б жыхароў, ў Ракаўскай воласці Мінскага павета. З 1921 года пад уладай Польшчы, у вёсцы 22 двары. З лістапада 1939 года ў БССР. З 12 кастрычніка 1940 года ў Выганіцкім сельсавеце Радашковіцкага раёна Вілейскай вобласці. У Вялікую Айчынную вайну з 25 чэрвеня 1941 года да 4 ліпеня 1944 года акупіравана нацыстамі. З 20 верасня 1944 года ў Маладзечанскай вобласці. 18 студзеня 1949 года арганізаваны калгас «Камунар», які абслугоўвала Залеская МТС. З 16 ліпеня 1954 года вёска ў Ракаўскім сельсавеце. З 20 студзеня 1960 года ў Валожынскім раёне Мінскай вобласці. З 1963 года ў складзе саўгаса «Ракаўскі» (цэнтр — в. Ракаў). У 1994 годзе 17 гаспадарак.

Насельніцтва правіць

1800 — 65 чал.
1897 — 106 чал.
1921 — 119 чал.
1959 — 113 чал.
1994 — 23 чал.
2008 — 18 чал.

Славутасці правіць

Кучкуноўскі валун — геалагічны помнік прыроды рэспубліканскага значэння

Зноскі

↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)

Літаратура правіць

Гарады і вёскі Беларусі: Энцыклапедыя. Т. 8: Мінская вобласць, кн. 1 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2010. — 736 с.: іл. — 2 000 экз. — ISBN 978-985-11-0520-1.

Спасылкі правіць

На Вікісховішчы ёсць медыяфайлы па тэме Кучкуны (Валожынскі раён)

[1] Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)

[1]