Лясная (Баранавіцкі раён)

Лясна́я (трансліт.: Liasnaja, руск.: Лесная) — аграгарадок у Баранавіцкім раёне Брэсцкай вобласці. Адміністрацыйны цэнтр Ляснянскага сельсавета. Размешчана за 25 км на паўднёвы захад ад Баранавіч, за 2,5 км ад шашы Баранавічы — Брэст. Чыгуначная станцыя Лясная знаходзіцца на лініі Баранавічы — Брэст.

Аграгарадок Лясная Краіна Беларусь Вобласць Брэсцкая Раён Баранавіцкі Сельсавет Ляснянскі Каардынаты 52°59′ пн. ш. 25°46′ у. д. Колькасць двароў 556 Насельніцтва 1 639 чалавек (1998) Часавы пояс UTC+3 Тэлефонны код +375 163 Паштовы індэкс 225356 Аўтамабільны код 1 СААТА 1204835026 Лясная на карце Беларусі ±

Лясная на Вікісховішчы

Гісторыя

Вядома з 1880-х гадоў як чыгуначная станцыя Лясная ў Навамышскай воласці Навагрудскага павета Мінскай губерні.

З 1921 года ў складзе Польшчы, у Навамышскай гміне Баранавіцкага павета Навагрудскага ваяводства.

З 1939 года ў БССР. З 12 кастрычніка 1940 года цэнтр сельсавета ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне.

У Вялікую Айчынную вайну з чэрвеня 1941 года да 9 ліпеня 1944 года акупіравана нямецка-фашысцкімі захопнікамі. У баі каля вёскі 8 ліпеня 1944 года вызначыўся Герой Савецкага Саюза М. П. Акімаў. У верасня 1941 года ў вёсцы гітлераўцы стварылі лагер № 337 для масавай загубы савецкіх ваеннапалонных, у якім пастаянна ўтрымлівалі каля 55 тысяч чалавек. У 1941—1944 гадах у Ляснянскім лагеры смерці акупанты загубілі 88,5 тыс. чал.

У 1972 годзе ў вёсцы працавалі лясніцтва, пякарня, цэх Баранавіцкай мэблевай фабрыкі, сярэдняя школа, сталовая, бібліятэка, дзіцячы сад, бальніца, аддзяленне сувязі, швейная майстэрня, 5 магазінаў.

Інфраструктура

Працуюць лясніцтва, сярэдняя школа (у школе ў 1986 адкрыты музей імя Галубка), бальніца, дзіцячыя яслі-сад, аддзяленне сувязі, Дом быту, бальніца, аптэка, бібліятэка, 5 магазінаў, ашчадны банк.

Насельніцтва

• XIX стагоддзе:
  • 1897 — 3 двары, 18 жыхароў.
• XX стагоддзе:
  • 1909 — 10 двароў, 50 жыхароў.
  • 1921 — 26 дамоў, 167 жыхароў.
  • 1939 — 565 жыхароў.
  • 1959 — 1213 жыхароў.
  • 1972 — 310 двароў, 1391 жыхар.
  • 1998 — 556 двароў, 1639 жыхароў.

Славутасці

• Абеліск на магіле 60 ахвяр фашызму, расстраляных у 1941 годзе (1979), на паўднёва-заходняй ускраіне вёскі.
• Скульптура воіна на брацкай магіле 47 савецкіх воінаў і 50 ваеннапалонных, якія загінулі ў баях і загублены ў Ляснянскім лагеры смерці ў Вялікую Айчынную вайну (1958), каля чыгуначнай станцыі.
• На будынку школы ў 1988 годзе ўстаноўлена мемарыяльная дошка на ўшанаванне памяці народнага артыста БССР і пісьменніка У. І. Галубка (1882—1942), які нарадзіўся ў в. Лясная.
• Царква ў гонар Казанскай іконы Маці Божай.
• Касцёл Найсвяцейшай Дзевы Марыі Анёльскай (2000).

Вядомыя асобы

• У. І. Галубок (сапраўднае прозвішча Голуб) — беларускі пісьменнік, рэжысёр, акцёр, мастак, першы народны артыст БССР.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.
• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн.: БелЭн, 1999. — Т. 9. — 560 с. — 10 000 экз. — ISBN 985-11-0155-9 (т.9).
• Памяць. Баранавічы. Баранавіцкі раён. Мінск, Белта, 2000, стар 710.

Спасылкі

• На Вікісховішчы ёсць медыяфайлы па тэме Лясная (Баранавіцкі раён)