Раўбічы

вёска ў Мінскім раёне Мінскай вобласці Беларусі
(Пасля перасылкі з Вёска Раўбічы)

Ра́ўбічы[1] (трансліт.: Raŭbičy, руск.: Равбичи) — вёска ў Мінскім раёне Мінскай вобласці. Уваходзіць у склад Астрашыцка-Гарадоцкага сельсавета.

Вёска
Раўбічы
Raŭbickaje reservoir.jpg
Краіна
Вобласць
Раён
Сельсавет
Каардынаты
Насельніцтва
Часавы пояс
Тэлефонны код
+375 17
Паштовы індэкс
223054
Аўтамабільны код
5
Раўбічы на карце Беларусі ±
Раўбічы (Беларусь)
Раўбічы
Раўбічы (Мінская вобласць)
Раўбічы

Вёска размешчана за 17 км на паўночны ўсход ад Мінска на беразе Дубраўскага вадасховішча на рацэ Усяжа, на шашы H9059. 114 гаспадарак, 266 жыхароў (2010).

ГісторыяПравіць

У 1597 г. сяло маёнтка Прылепы, уласнасць праваслаўнай царквы ў Менскім ваяводстве Вялікага Княства Літоўскага.

Пасля Другога падзелу Рэчы Паспалітай у 1793 годзе ў складзе Расійскай імперыі. У 1800 г. — вёска, 13 двароў, 94 жыхары, уласнасць падпалкоўніка Ф. Гарадзецкага. У 1858 г. ўласнасць памешчыкаў І. Кучынскага і К. Равенскай, у Мінскім павеце. У 1858 г. пабудаваны касцёл, у 1866 г. пераўтвораны ў праваслаўную Свята-Успенскую царкву. У 1897 г. вёска, 32 двары, 235 жыхароў, бандарны промысел, у Астрашыцка-Гарадоцкай воласці Менскага павета. 4 чэрвеня 1906 г. адбыліся сутыкненні вяскоўцаў з паліцыяй пры спробе сагнаць жывёлу са спрэчных пашаў. У 1917 г. ў вёсцы 34 двары, 244 жыхары.

З лютага да снежня 1918 г. вёска акупіравана войскамі кайзераўскай Германіі, з ліпеня 1919 г. да ліпеня 1920 г. — войскамі Польшчы.

З 1919 г. ў БССР. У 1918 г. працавала пачатковая школа, у якой у 1924 г. было 68 вучняў. З 20 жніўня 1924 г. вёска ў Астрашыцка-Гарадоцкім с/с Астрашыцка-Гарадоцкага раёна Мінскай акругі (да 26 ліпеня 1930 г.). У 1926 г. ў вёсцы 42 двары, 237 жыхароў, у фальварку 4 двары, 17 жыхароў. З 18 студзеня 1931 г. ў Лагойскім раёне. У 1930-я гады створаны калгас «Першае Мая». З 26 мая 1935 г. вёска ў Мінскім раёне. З 20 лютага 1938 г. ў Мінскай вобласці У 1941 г. ў вёсцы 40 двароў, 165 жыхароў. У Вялікую Айчынную вайну з канца чэрвеня 1941 г. да пачатку ліпеня 1944 г. акупіравана нямецка-фашысцкімі захопнікамі, якія спалілі двор, знішчылі 4 жыхароў.

У 1997 г. 73 гаспадаркі, 131 жыхар. У 2010 г. базавая школа, магазін.

СлавутасціПравіць

Зноскі

  1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)

ЛітаратураПравіць

Гарады і вёскі Беларусі: Энцыклапедыя. Т. 8, кн. 3. Мінская вобласць / Рэдкалегія: Т. У. Бялова (дырэктар) і інш. — Мн.: БелЭн, 2012. — 624 с.: іл. ISBN 978-985-11-0636-9.

СпасылкіПравіць