Яроміна (Гомельскі раён)

Яроміна
Краіна	Беларусь
Вобласць	Гомельская
Раён	Гомельскі
Сельсавет	Яромінскі
Каардынаты	52°30′53″ пн. ш. 30°56′19″ у. д.HGЯO
Першая згадка	1772
Насельніцтва	▲6 094 чал. (2004);
Часавы пояс	UTC+3
Тэлефонны код	+375 232
Паштовыя індэксы	247016
Аўтамабільны код	3
	Яроміна на Вікісховішчы

Яро́міна^[1] (трансліт.: Jaromina, руск.: Ерёмино) — аграгарадок у Гомельскім раёне Гомельскай вобласці. Уваходзіць у склад Яромінскага сельсавета.

Геаграфія правіць

За 5 км на паўночны захад ад Гомеля. У аграгарадку знаходзіцца 2 прыпыначныя пункты чыгункі -- Светач (на поўдні) і Яроміна, а прыпыначны пункт Касцюкоўка знаходзіцца паблізу на поўнач.

На захадзе меліярацыйны канал, злучаны з ракой Рандоўкай (прыток Узы).

Транспартная сувязь па аўтамабільнай дарозе Доўск — Гомель. Праз вёску праходзяць маршруты гарадскіх аўтобусаў (г. Гомель) №38, 43, 44.

У вёсцы 2048 жылых дамоў (2004 год). Планіроўка складаецца з 2 частак, падзеленых невялікім вадасховішчам. Забудова двухбаковая, дома драўляныя і цагляныя, пераважна аднапавярховыя, сядзібнага тыпу.

Гісторыя правіць

Паводле пісьмовых крыніц, вёска вядомая з XVIII стагоддзя як сяло ў Рэчыцкім павеце Менскага ваяводства Вялікага Княства Літоўскага. Пасля 1-га падзелу Рэчы Паспалітай (1772) у складзе Расійскай імперыі. З 1795 года дзейнічала царква. Памешчыкі Красінскі-Карвін і Багданаў мелі тут у 1840 годзе 475 дзесяцін зямлі і піцейны дом. У 1850 годзе побач была пракладзена шаша Пецярбург — Кіеў. Пасля будаўніцтва Лібава-Роменскай чыгункі ў 1873 годзе пачала працу чыгуначная станцыя. У 1885 годзе дзейнічалі хлебазапасны магазін, вінная крама, млын. У 1889 годзе пабудавана драўляная Пакроўская царква (архітэктар П. Г. Камбураў), у народным вучылішчы атрымлівалі адукацыю 46 хлопчыкаў і 14 дзяўчынак, а ў 1902 годзе, адпаведна, 89 і 33. У 1897 годзе працавалі царква, школа, карчма. У 1897 годзе ў Пакалюбічскай воласці Гомельскага павета Магілёўскай губерні. У 1908 годзе побач знаходзілася 3 фальварка.

У 1926 годзе дзейнічалі паштовы пункт, 2 школы. Побач знаходзіліся хутары.

З 8 снежня 1926 года цэнтр Яромінскага сельсавета Гомельскага раёна Гомельскага акруга, з 20 лютага 1938 года — Гомельскай вобласці.

У 1929 годзе арганізаваны калгас «Чырвоны хлебароб». Працавалі сталярная і шорная майстэрні, нафтавы млын, кузня. У 1933 годзе размясціўся ўчастак Гомельскай МТС.

Падчас Вялікай Айчыннай вайны на франтах і ў партызанскай барацьбе загінулі 267 жыхароў вёскі. Яроміна было вызвалена 26 лістапада 1943 года. Каля будынка сельсавета збудавана стэла і пліты з імёнамі загінулых землякоў. У 2005 годзе была праведзена рэканструкцыя стэлы «Нішто не забыта, Ніхто не забыты».

У 1959 годзе цэнтр калгаса «XXII з’езд КПСС». Размяшчаюцца камбінат бытавога абслугоўвання, «Аграпрамтэхніка», «Сельгасхімія», абласная станцыя аховы расліннага свету, сярэдняя і музычная школы, эксперыментальны культурна-спартыўны цэнтр, Дом культуры, 2 бібліятэкі, амбулаторыя, дзіцячыя яслі і сад, аптэка, аддзяленне сувязі, кафэ, 4 крамы, лазня.

У склад Яромінскага сельсавета да 1962 года ўваходзілі пасёлкі Высокае і Новы, да 1997 года Новае Жыццё, да якога ў 1962 годзе быў далучаны пасёлак Высокае. Усе гэтыя населеныя пункты ў цяперашні час не існуюць.

17 чэрвеня 2008 года ў склад вёскі ўключаны пасёлак Бардзіна^[2].

З 1927 года ў вёсцы існуе ансамбль песні і танца «Колас», якому ў 1969 годзе прысвоена званне народнага.

Насельніцтва правіць

1868—151 двор, 526 жыхароў.
1885—158 двароў, 870 жыхароў.
1897—229 двароў, 1221 жыхар (паводле перапісу).
1908—232 двара, 1687 жыхароў.
1926—390 двароў, 2008 жыхароў.
1959 — 3215 жыхароў (паводле перапісу).
2004 год — 2048 двароў, 6094 жыхара.
2009 год — 5861 жыхароў.

Вядомыя ўраджэнцы правіць

А. Д. Чагоўскі — ганаровы грамадзянін Санкт-Пецярбурга.

Славутасці правіць

У памяць пра жыхароў вёскі, якія загінулі ў час Вялікай Айчыннай вайны, каля сельсавета ўстаноўлена стэла і пліты з імёнамі загінулых.

Зноскі

↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).. Сустракаецца таксама варыянт Яро́мін, м.
↑ Решение Гомельского районного Совета депутатов от 17 июня 2008 г. № 87 Об изменении границ и упразднении сельских населенных пунктов

Літаратура правіць

Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі правіць

На Вікісховішчы ёсць медыяфайлы па тэме Яроміна (Гомельскі раён)

[1] Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).. Сустракаецца таксама варыянт Яро́мін, м.

[2] Решение Гомельского районного Совета депутатов от 17 июня 2008 г. № 87 Об изменении границ и упразднении сельских населенных пунктов

[1]

[2]