Відзянішкей

Відзя́нішкей (літ.: Videniškiai, традыцыйная беларуская назва — Відзенішкі) — вёска ў Малетайскім раёне Уцянскага павета Літвы. Цэнтр Відзянішкейскай сянюніі. Размешчана на левым беразе ракі Сіесарціс (Сясаркі), за 9 км на захад ад Малетая, каля аўтамабільнай дарогі Уцяна — Малетай. Насельніцтва на 2011 год — 368 чалавек.

Вёска Відзянішкей літ.: Videniškiai Герб Касцёл і кляштар аўгусцінаў Краіна Літва Павет Уцянскі Раён Малетайскі Сянюнія Відзянішкейская Каардынаты 55°13′01″ пн. ш. 25°16′41″ у. д. Ранейшыя назвы Відзенішкі Насельніцтва 415 чал. (2001) Часавы пояс UTC+2, летам UTC+3 Відзянішкей на карце Літвы

Медыяфайлы на Вікісховішчы

Гісторыя

Вялікае Княства Літоўскае

Першы пісьмовы ўспамін пра Відзенішкі змешчаны ў Хроніцы Вартберга і датуецца 1373 годам. У 1385 годзе яны ўвайшлі ў склад Віленскага павета Віленскага ваяводства.

У 1620 годзе Марцін Гедройц збудаваў у Відзенішках касцёл Святога Лаўрына і заснаваў пры ім кляштар аўгусцінаў.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Відзенішкі апынуліся ў складзе Расійскай імперыі, у Віленскім павеце Віленскай губерні.

Каля 1893 года ў Відзенішках было 34 будынкі.

Найноўшы час

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Відзенішкі апынуліся ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.

Насельніцтва

• XIX стагоддзе: ~1893 год — 239 чал.
• XXI стагоддзе: 2011 год — 368 чал.

Славутасці

Капліца

• Замчышча
• Касцёл Святога Лаўрына і кляштар аўгусцінаў (1620)
• Могілкі каталіцкія, капліца (1905)

Спасылкі

• На Вікісховішчы ёсць медыяфайлы па тэме Відзянішкей
• Відзянішкей на сайце Radzima.org