Віктар Васільевіч Аўчыннікаў

Віктар Васільевіч Аўчыннікаў (нар. 8 кастрычніка 1952, Бешанковічы Віцебскай вобласці) — беларускі ўрач і палітык.

Віктар Васільевіч Аўчыннікаў
Нараджэнне	8 кастрычніка 1952(1952-10-08) (72 гады) Бешанковічы, Бешанковіцкі раён, Віцебская вобласць, БССР, СССР
Адукацыя	Віцебскі дзяржаўны медыцынскі ўніверсітэт
Узнагароды	ганаровая грамата Нацыянальнага сходу Рэспублікі Беларусь

Біяграфія

Скончыў Віцебскі дзяржаўны медыцынскі інстытут па спецыяльнасці «Лячэбная справа».

Працоўную дзейнасць пачаў урачом-інтэрнам 2-й гарадской бальніцы горада Віцебска. Працаваў урачом Капыскай бальніцы, урачом-хірургам Аршанскай цэнтральнай раённай бальніцы. Быў урачом па экстраннай хірургіі, загадчыкам хірургічнага аддзялення тэрытарыяльна-медыцынскага аб’яднання № 3 Першамайскага раёна горада Віцебска. Займаў пасады галоўнага хірурга ўпраўлення аховы здароўя Віцебскага аблвыканкама, галоўнага ўрача ўстановы аховы здароўя «Віцебская абласная клінічная бальніца».

Выбіраўся дэпутатам Палаты Прадстаўнікоў Нацыянальнага сходу Рэспублікі Беларусь 4-га склікання.

Узнагароды

Узнагароджаны Ганаровай граматай Нацыянальнага сходу Рэспублікі Беларусь.