Віктар Генадзевіч Хрэнін

Віктар Генадзевіч Хрэнін
Віктар Генадзевіч Хрэнін
	з 20 студзеня 2020
Прэзідэнт	Аляксандр Лукашэнка
Кіраўнік урада	Сяргей Румас; Раман Галоўчанка
Папярэднік	Андрэй Раўкоў
Нараджэнне	1 жніўня 1971 (49 гадоў); Навагрудак, Навагрудскі раён, Гродзенская вобласць, БССР, СССР;
Адукацыя	Усурыйскае сувораўскае ваеннае вучылішча[d] (1988); Омскае вышэйшае агульнавайсковае каманднае вучылішча імя М. В. Фрунзе[d] (1992); Ваенная акадэмія Рэспублікі Беларусь (2005);
Дзейнасць	ваенны дзеяч, дзяржаўны служачы
Ваенная служба
Гады службы	1988 — цяперашні час
Краіна	Беларусь
Род войскаў	мотастралковыя войскі
Званне
Камандаваў	Заходнім аператыўным камандаваннем, Міністэрствам абароны Беларусі
Узнагароды
	Віктар Генадзевіч Хрэнін на Вікісховішчы

Віктар Генадзевіч Хрэнін (нар. 1 жніўня 1971, г. Навагрудак, Гродзенская вобласць, БССР) — беларускі ваенны і дзяржаўны дзеяч, Міністр абароны Беларусі (з 2020). Генерал-лейтэнант (2020)^[1].

БіяграфіяПравіць

Нарадзіўся 1 жніўня 1971 года ў Навагрудку ў сям’і вайскоўца. Бацька — Генадзь Іванавіч Хрэнін, палкоўнік запасу, нарадзіўся ў Пензенскай вобласці.

У 1988 годзе скончыў Усурыйскае сувораўскае ваеннае вучылішча. Пасля заканчэння ў 1992 годзе Омскага вышэйшага агульнавайсковага каманднага вучылішча імя М. В. Фрунзэ ваенную службу праходзіў на пасадах камандзіра мотастралковага ўзвода, камандзіра разведвальнага ўзвода, разведвальнай роты, начальніка аддзялення ўпраўлення — начальніка пункта апрацоўкі інфармацыі каманднага пункта асобнага разведвальнага батальёна, намесніка камандзіра асобнага мотастралковага батальёна, намесніка камандзіра асобнага разведвальнага батальёна, камандзіра асобнага танкавага батальёна, камандзір асобнага гвардзейскага мотастралковага батальёна 6-й асобнай гвардзейскай механізаванай брыгады Заходняга аператыўнага камандавання.

Пасля заканчэння ў 2005 годзе Ваеннай акадэміі Рэспублікі Беларусь ваенную службу праходзіў на пасадах старшага афіцэра аператыўнага аддзялення аператыўнага аддзела штаба Заходняга аператыўнага камандавання, намесніка камандзіра, начальніка штаба — першага намесніка камандзіра 6-й асобнай гвардзейскай механізаванай брыгады Заходняга аператыўнага камандавання, начальніка штаба — першага намесніка камандзіра 11-й асобнай гвардзейскай механізаванай брыгады Заходняга аператыўнага камандавання.

З 2008 па 2010 год — камандзір 6-й асобнай гвардзейскай механізаванай брыгады (Фолюш, Гродна), з 2010 па 2014 год — камандзір 11-й асобнай гвардзейскай механізаванай брыгады (Слонім).

У 2014 годзе з адзнакай і залатым медалём скончыў факультэт Генеральнага штаба Ваеннай акадэміі Рэспублікі Беларусь. Пасля гэтага праходзіў службу спачатку на пасадзе намесніка камандуючага, а затым у 2014—2015 гадах — начальніка штаба — першага намеснік камандзіра войскаў Заходняга аператыўнага камандавання.

23 чэрвеня 2015 года прызначаны на пасаду камандуючага войскамі Заходняга аператыўнага камандавання Узброеных Сіл Рэспублікі Беларусь.

20 студзеня 2020 года генерал-маёр Віктар Хрэнін прызначаны на пасаду міністра абароны Рэспублікі Беларусь^[2]. 30 кастрычніка 2020 года быў павышаны ў званні да генерал-лейтэнанта^[1].

Сям’яПравіць

Жонка — Наталля, урач. Дачка — Марына, юрыст, скончыла Гродзенскі дзяржаўны ўніверсітэт імя Янкі Купалы.

Зноскі

↑ ^1,0 ^1,1 Указ Прэзідэнта Рэспублікі Беларусь № 396 «О присвоении воинского звания» (руск.) . Национальный правовой Интернет-портал Республики Беларусь (30 кастрычніка 2020).
↑ Прыняцце кадравых рашэнняў (бел.) . Прэс-служба Прэзідэнта Рэспублікі Беларусь. Праверана 21 студзеня 2020.

СпасылкіПравіць

Біяграфія на сайце Міністэрства абароны Рэспублікі Беларусь (бел.) .
З’явіліся новыя сакратар Рады бяспекі, міністр абароны і начальнік Генштаба
Кадровые назначения в руководстве Вооруженных Сил 20.01.2020

[pravo.by-1] 1,0 ^1,1 Указ Прэзідэнта Рэспублікі Беларусь № 396 «О присвоении воинского звания» (руск.) . Национальный правовой Интернет-портал Республики Беларусь (30 кастрычніка 2020).

[2] Прыняцце кадравых рашэнняў (бел.) . Прэс-служба Прэзідэнта Рэспублікі Беларусь. Праверана 21 студзеня 2020.

[1]

[2]