Віктар Іванавіч Цярэшчанка

Віктар Іванавіч Цярэшчанка
Віктар Іванавіч Цярэшчанка
дэпутат Вярхоўнага Савета Беларусі[d]
	9 студзеня 1996 — 9 студзеня 2001
Нараджэнне	30 студзеня 1950 (74 гады); Дубраўка, Палужскі сельсавет, Краснапольскі раён, Магілёўская вобласць, БССР, СССР;
Партыя	Беларуская народная партыя (1999);
Адукацыя	эканамічны факультэт ГДУ імя Ф. Скарыны (1975); Міжнародны інстытут менеджменту[d]; Дэлавэрскі дзяржаўны ўніверсітэт;
Навуковая ступень	кандыдат эканамічных навук

Віктар Іванавіч Цярэшчанка — беларускі палітык, кандыдат эканамічных навук^[1], кандыдат на пасаду прэзідэнта Рэспублікі Беларусь на выбарах 2010 года.

Біяграфія

Нарадзіўся 30 студзеня 1950 года ў вёсцы Дубраўка Краснапольскага раёна Магілёўскай вобласці ў сялянскай сям’і. Беларус. Беспартыйны. Жанаты, выхоўвае трох дачок.

У 1975 годзе скончыў эканамічны факультэт Гомельскага дзяржаўнага ўніверсітэта. Навучаўся ў Міжнародным інстытуце менеджменту (Кіеў, Украіна), Дэлавэрскім універсітэце (ЗША). У 1990 годзе атрымаў навуковую ступень МВА — Master of Business Administration in International Business Activities. Працаваў слесарам, фрэзэроўшчыкам, інжынерам, кіраўніком.

У 1992—2004 гадах — генеральны дырэктар СТАА «Міжнародны інстытут менеджменту «МІМ-Беларусь»».

У 1993—2004 гадах — старшыня Беларускага грамадскага аб’яднання «Народная дыпламатыя».

У 1994—2000 гадах — старшыня Беларускай народнай партыі. Вылучаўся ў кандыдаты на выбарах прэзідэнта Рэспублікі Беларусь ў 1994 годзе.

Са жніўня па верасень 1994 года — начальнік упраўлення па справах тэрыторый Адміністрацыі Прэзідэнта Рэспублікі Беларусь.

Дэпутат Вярхоўнага Савета Рэспублікі Беларусь 13-га склікання^[2].

У 2001 годзе вылучаўся ў кандыдаты на выбарах прэзідэнта Рэспублікі Беларусь. У 2004—2005 гадах — кіраўнік прадстаўніцтва аўтаномнай некамерцыйнай міжнароднай арганізацыі «Выканкам Рады славянскіх народаў Беларусі, Расіі, Украіны» ў Рэспубліцы Беларусь.

Працуе Старшынёй Рады «Асацыяцыя малога і сярэдняга прадпрымальніцтва».

Аўтар больш 70 навуковых і дзяржаўных работ па праблеме развіцця Беларусі^[2]. Удзельнік ліквідацыі наступстваў аварыі на Чарнобыльскай АЭС.

Крыніцы

↑ Новый кандидат в президенты — Виктор Терещенко Архівавана 28 лістапада 2010.
↑ ^а ^б Виктор Терещенко: моя кандидатура — самая подготовленная после Лукашенко Архівавана 24 лютага 2019. (руск.)

[1] Новый кандидат в президенты — Виктор Терещенко Архівавана 28 лістапада 2010.

[naviny-2] а ^б Виктор Терещенко: моя кандидатура — самая подготовленная после Лукашенко Архівавана 24 лютага 2019. (руск.)

[1]

[2]