Віктар Яўграфавіч Віхроў

Віктар Яўграфавіч Віхро́ў (23 сакавіка 1912, г. Сярдобск, Пензенская вобласць — 13 ліпеня 1972) — савецкі вучоны, спецыяліст па драўніназнаўству, доктар сельскагаспадарчых навук (1952), прафесар (1957), заслужаны дзеяч навукі БССР.

Віктар Яўграфавіч Віхроў
Дата нараджэння	23 сакавіка 1912(1912-03-23)
Месца нараджэння	Сярдобск, Сярдобскі павет[d], Саратаўская губерня, Расійская імперыя
Дата смерці	1972
Грамадзянства	Расійская імперыя  СССР
Род дзейнасці	біёлаг
Навуковая сфера	драўніназнаўства
Месца працы	Беларускі дзяржаўны тэхналагічны ўніверсітэт
Навуковая ступень	доктар сельскагаспадарчых навук
Навуковае званне	прафесар
Альма-матар	Архангельскі лесатэхнічны інстытут[d] (1933)
Вядомыя вучні	М. І. Фёдараў
Партыя	КПСС
Узнагароды

Біяграфія

В. Я. Віхроў ў 1933 годзе скончыў Архангельскі лесатэхнічны інстытут, затым застаўся працаваць у гэтым жа інстытуце, пазней працаваў у Маскоўскім лесатэхнічным інстытуце, Інстытуце лесу АН СССР.

У 1954 годзе быў абраны загадчыкам кафедры драўніназнаўства і абароны лесу Беларускага тэхналагічнага інстытута (з 1961 года — кафедра драўніназнаўства і лесаэксплуатацыі). На пасадзе загадчыка кафедры Віктар Яўграфавіч заставаўся да канца свайго жыцця. У 1961 годзе быў прызначаны рэктарам інстытута.

Навуковая дзейнасць

В. Я. Віхроў — адзін з першых савецкіх спецыялістаў па дэндрахраналогіі. Ён выявіў шэраг заканамернасцяў гадавога прыросту дрэў, што дазволіла ўдакладніць і спрасціць методыкі дэндрахараналагічнага, прапанаваў уласны арыгінальны метад.

У 1939 годзе В. Я. Віхроў апублікаваў «Альбом мікрафатаграфій драўніны іглічных і лісцяных парод СССР», які выйшаў пад рэдакцыяй В. П. Мальчэўскага, таксама ён напісаў больш за 150 работ па розных пытаннях драўніназнаўства: экалагічнай і тэхнічнай анатоміі, сістэматыцы драўніны, дэндрахраналогіі і дэндракліматалогіі, мадыфікацыі драўніны.

Навуковыя працы

• Строение и физик-механические свойства древесины дуба — М., 1954.
• Диагностические признаки древесины главнейших лесохозяйственных и лесопромышленных пород СССР. — М., 1959.
• Модифицированная древесина и перспективы её использования. — Мн., 1966. (у сааўтарстве)

Літаратура

• Вихров Виктор Евграфович // Энциклопедия лесного хозяйства. — М.: ВНИИЛМ, 2006. — Т. 1. — С. 95. — ISBN 5-94737-022-0.
• Віхроў Віктар Яўграфавіч // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 464.

Спасылкі

• Кафедра лесозащиты и древесиноведения (нявызн.)(недаступная спасылка). Белорусский государственный технологический университет. — историческая справка. Архівавана з першакрыніцы 21 верасня 2012. Праверана 14 мая 2012.