Вільнюскі эканоміка-інфарматычны факультэт Беластоцкага ўніверсітэта
Вільнюскі эканоміка-інфарматычны факультэт Беластоцкага ўніверсітэта (літ.: Balstogės universiteto Vilniaus Ekonomikos-informatikos fakultetas, польск.: Wydział Ekonomiczno-Informatyczny w Wilnie Uniwersytetu w Białymstoku) — адасобленае структурнае падраздзяленне (філіял) польскай дзяржаўнай вышэйшай навучальнай установы — Беластоцкага ўніверсітэта, якое знаходзіцца ў Вільнюсе.
| Вільнюскі эканоміка-інфарматычны факультэт Беластоцкага ўніверсітэта | |
|---|---|
| літ.: Balstogės universiteto Vilniaus Ekonomikos-informatikos fakultetas | |
| Арыгінальная назва | літ.: Balstogės universiteto Vilniaus Ekonomikos-informatikos fakultetas |
| Міжнародная назва | польск.: Wydział Ekonomiczno-Informatyczny w Wilnie Uniwersytetu w Białymstoku |
| Заснаваны | 2007 |
| Тып | філіял ВНУ |
| Студэнты | 300 |
| Краіна | |
| Размяшчэнне | Вільнюс |
| Сайт | uwb.lt |
Агульная характарыстыка
правіцьВільнюскі факультэт Беластоцкага ўніверсітэта быў створаны па рашэнні Міністэрства вышэйшай адукацыі Рэспублікі Польшча ад 25 красавіка 2006 года, Міністэрства замежных спраў Рэспублікі Польшча ад 9 сакавіка 2006 года, урада Літоўскай Рэспублікі ад 19 чэрвеня 2007 года і Міністэрства адукацыі і навукі Літоўскай Рэспублікі ад 8 жніўня 2007 года.
Паводле літоўскага заканадаўства, установа з’яўляецца першым філіялам замежнага ўніверсітэта ў Літве. Ініцыятыва стварэння ў Вільнюсе філіяла Беластоцкага ўніверсітэта была распачатая Асацыяцыяй польскіх вучоных Літвы і была адрасавана ў першую чаргу палякам у Літве. Улетку 2014 года факультэт атрымаў неабходныя дазволы на адкрыццё магістратуры ў галіне эканомікі.
На факультэце навучаецца больш за трыста студэнтаў. 10 % найлепшых студэнтаў атрымліваюць навуковыя стыпендыі, за добрае навучанне студэнты з небагатых сем’яў атрымліваюць сацыяльныя стыпендыі Міністэрства навукі і адукацыі Літоўскай Рэспублікі. Дзейнічаюць 3 напрамкі навучання на ўзроўні бакалаўра — эканоміка, еўрапейскія студыі і інфармацыйныя тэхналогіі. Вучоба доўжыцца 3 гады і ўвесь час праходзіць у Вільнюсе. Пасля заканчэння навучання выпускнік можа паступіць на двухгадовую магістратуру па эканоміцы. Штогод памер залічаных абітурыентаў складае каля 100 алавек.