Вільяндзі (горад)

Вільяндзі (эст.: Viljandi), да 1919 года — Фелін (ням.: Fellin) — ганзейскі горад у Эстоніі, з’яўляецца адміністрацыйным цэнтрам павета Вільяндзі ў паўднёва-ўсходняй Эстоніі.

Горад Вільяндзі эст.: Viljandi Герб Сцяг Краіна Эстонія Павет Павет Вільяндзі Каардынаты 58°22′ пн. ш. 25°36′ у. д. Кіраўнік Мадыс Тымпсан[d] Заснаваны 1263 Першая згадка 1154 Плошча 14,67 км² (31 снежня 2017) Насельніцтва ▲17 353 чал. (1 студзеня 2023) Нацыянальны склад эстонцы Часавы пояс UTC+2, летам UTC+3 Паштовыя індэксы 71020 Аўтамабільны код D Афіцыйны сайт viljandi.ee Вільяндзі на карце Эстоніі

Медыяфайлы на Вікісховішчы

Адлегласць ад Таліна 161 км, ад Тарту 81 км, ад Пярну 97 км.

Гісторыя

Першая згадка пра горад адносіцца да 1154 года. Першымі ўладарамі горада сталі браты ордэна мечаносцаў, ва ўладанні якіх горад прабыў амаль 200 гадоў. У XIV ст. горад стаў членам ганзейскага саюза.

За сваю гісторыю неаднаразова разбураўся моцнымі суседзямі — Швецыяй і Расіяй.

Выбітныя мясціны

У горадзе знаходзяцца руіны замка Вільяндзі, пабудаванага крыжакамі ў пачатку XVI стагоддзя. Функцыянальна ён быў падзелены на паўночную, паўднёвую і ўсходнюю часткі. У замку былі зала для сходаў (капітула), двухнефавая вежа, памяшканне архіва, спальня і жылыя памяшканні камандора, трапезная, кухня, галерэя, стайні, жыллё для служак, складскія памяшканні. Калодзеж глыбінёй 26 метраў. Да нашага часу замак захаваўся часткова.

Адукацыя

• Акадэмія культуры Вільяндзі

Вядомыя ўраджэнцы і жыхары

• Аўгуст Але, эстонскі пісьменнік

Гарады-пабрацімы

• Арэнсбург, Германія
• Валміера, Латвія
• Крацінга, Літва
• Порваа, Фінляндыя
• Цярнопаль, Украіна
• Хэрнёсанд, Швецыя
• Эслёў, Швецыя

• 
• 
• 
• 
• 
• 

Спасылкі

• Афіцыйная старонка (эст.)
• Вільяндзі «Eestigiid.ee» (эст.)