Вісарыён Сцяпанавіч Гарбук

Вісарыён Сцяпанавіч Гарбук
Вісарыён Сцяпанавіч Гарбук
Асабістыя звесткі
Дата нараджэння	11 (24) лістапада 1913
Месца нараджэння	Шкілякі, Лепельскі павет, Віцебская губерня, Расійская імперыя;
Дата смерці	8 жніўня 1986 (72 гады)
Месца смерці	Пяцігорск, Стаўрапольскі край, РСФСР, СССР;
Пахаванне	Пяцігорск;
Альма-матар	БДПУ;
Прафесійная дзейнасць
Род дзейнасці	перакладчык, пісьменнік
Мова твораў	беларуская
Грамадская дзейнасць
Член у	Саюз беларускіх пісьменнікаў;
Узнагароды

Вісарыён Сцяпанавіч Гарбук (11 (24) лістапада 1913, в. Шкілякі, Лепельскі павет, Віцебская губерня — 8 жніўня 1986, Пяцігорск, РСФСР) — беларускі празаік, паэт і перакладчык^[1].

Біяграфія

Нарадзіўся 11 (24) лістапада 1913 года ў в. Шкілякі Лепельскага павета Віцебскай губерні (цяпер — Полацкі раён, Віцебская вобласць).

Скончыў педтэхнікум у Лепелі. З 1933 года працаваў настаўнікам і вучыўся завочна, з 1935 года стацыянарна на літаратурным факультэце МВПІ. Пісаў вершы, займаўся ў секцыі паэтаў-пачаткоўцаў пры СП БССР. Арыштаваны 26 красавіка 1936 года, сасланы на Калыму (руск.) (бел.. Вызвалены ў 1940 годзе. Працаваў настаўнікам у Мехаўскай школе (Гарадоцкі раён). У 1941—1946 гадах у Чырвонай Арміі; ваяваў пад Масквой, у Беларусі, пад Варшавай, у Берліне. Франтавая хвароба на 14 гадоў прыкавала Гарбука да шпітальнага ложка; інвалід 1-й групы^[1]. Жыў у Пяцігорску.

Памёр 8 жніўня 1986 года ў Пяцігорску. Пахаваны там жа^[2].

Творчасць

Літаратурнай працай стала пачаў займацца ўжо цяжка хворым. Публікаваўся ў расійскім друку з 1957 года^[1], у беларускім — з 1961 года. Першы зборнік апавяданняў выйшаў у 1963 годзе ў Мінску. Перакладаў на беларускую мову казкі народаў Паўночнага Каўказа (зборнік «Напітак волатаў», Мн, 1969). У 1971 годзе паводле яго апавядання «Твар у палоску» зняты тэлефільм. Член СП БССР (з 1963). Заслужаны работнік культуры БССР (1979).

Пісаў пераважна для дзяцей. Апавяданні Гарбука займальныя, адкрываюць непаўторны свет дзіцячых уяўленняў, гульняў і забавак^[1].

Зноскі

↑ ^а ^б ^в ^г Горбук Виссарион Степанович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 160. — 737 с.
↑ Брэская — Гарэцкі – Белліт (бел.) (14 ліпеня 2023). Праверана 4 жніўня 2024.

Літаратура

Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.
Казека Я. Слова пра сябра // Казека Я. Падарожжа ў маладосць. Мн., 1984;
БП, т. 2.

[БС-1] а ^б ^в ^г Горбук Виссарион Степанович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 160. — 737 с.

[2] Брэская — Гарэцкі – Белліт (бел.) (14 ліпеня 2023). Праверана 4 жніўня 2024.

[1]

[2]