Вікіпедыя

Віталь Валер’евіч Трубіла

беларускі футбаліст

Віталь Трубіла (нар. 7 студзеня 1985, Брэст) — беларускі футбаліст, абаронца. Ігрок нацыянальнай зборнай Беларусі (2011—2014).

Футбол
Віталь Трубіла
Поўнае імя Віталь Валер’евіч Трубіла
Нарадзіўся 7 студзеня 1985(1985-01-07)[1][2] (39 гадоў)
Грамадзянства  Беларусь
Рост 172 см
Вага 68 кг
Пазіцыя абаронца, паўабаронца
Інфармацыя пра клуб
Клуб завяршыў кар’еру
Клубная кар’ера[* 1]
2002—2005 Беларусь Дынама (Мінск) 6 (0)
2002 →  Беларусь Дынама-БНТУ (Мінск) 10 (0)
2003—2004 →  Беларусь Дынама-Юні (Мінск) 14 (0)
2005 →  Беларусь Дарыда (Мінскі раён) 20 (2)
2006—2009 Чэхія СІАД (Мост) 47 (2)
2009 →  Чэхія Тэскама (Злін) 13 (0)
2009—2012 Чэхія Славія (Прага) 47 (3)
2010 →  Чэхія Багеміянс 1905 (Прага) 15 (1)
2012—2013 Беларусь Дынама (Мінск) 24 (1)
2014 Беларусь Гомель 5 (0)
2015 Расія Сокал (Саратаў) 12 (0)
2015 Беларусь Шахцёр (Салігорск) 8 (0)
2016—2017 Беларусь Мінск 46 (1)
2018—2020 Беларусь Слуцк 63 (2)
Нацыянальная зборная[* 2]
2005 Беларусь Беларусь (да 20) 2 (0)
2011—2014 Беларусь Беларусь 16 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 27 лютага 2021.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 8 сакавіка 2014

Клубная кар’ера правіць

Выхаванец брэсцкага футбола, хутка апынуўся ў Мінску, а ў 2006—2012 гадах гуляў у Чэхіі.

У жніўні 2012 года вярнуўся ў Беларусь, падпісаўшы кантракт з мінскім «Дынама». У мінскім клубе стаў выступаць на пазіцыі левага абаронцы. З’яўляўся на полі нерэгулярна: многа прапускаў праз траўмы, прайграваў канкурэнцыю за месца ў аснове Дзмітрыю Молашу. У выніку па заканчэнні сезона 2013 пакінуў мінскі клуб.

У студзені 2014 года падпісаў кантракт з «Гомелем»[3]. Спачатку гуляў на пазіцыі левага абаронцы, але хутка страціў месца ў аснове. Пазней, у жніўні 2014 года, быў выстаўлены гомельскім клубам на трансфер[4] і перастаў з’яўляцца нават на лаўцы запасных. У снежні 2014 года кантракт з «Гомелем» быў разарваны[5].

У студзені 2015 года некаторы час трэніраваўся з брэсцкім «Дынама»[6]. Пазней прыбыў на прагляд у саратаўскі «Сокал», з якім у лютым 2015 года падпісаў кантракт[7]. У складзе «Сокала» стаў пастаянным іграком асновы, у 12 матчах зрабіў тры галявыя перадачы[8]. Па заканчэнні сезона, аднак, не атрымаў прапановы аб падаўжэнні кантракта.

6 ліпеня 2015 года было абвешчана аб пераходзе Трубілы ў салігорскі «Шахцёр»[9]. Аднак Віталь спачатку заставаўся на лаўцы запасных і толькі з кастрычніка замацаваўся ў стартавым складзе на пазіцыі левага абаронцы.

У студзені 2016 года падпісаў кантракт з футбольным клубам «Мінск»[10]. У складзе «Мінска» замацаваўся ў якасці асноўнага левага абаронцы. У студзені 2017 года падоўжыў пагадненне са сталічным клубам яшчэ на год[11]. У сезоне 2017 працягваў выступаць у аснове мінчан, толькі ў маі і з кастрычніка не гуляў праз траўмы. У снежні 2017 года пакінуў сталічны клуб[12].

У лютым—сакавіку 2018 года рыхтаваўся да новага сезона з «Крумкачамі», аднак пасля ўзнікнення ў клуба праблем з атрыманнем ліцэнзіі на ўдзел у Вышэйшай лізе ў сакавіку 2018 года далучыўся да «Слуцка», з якім неўзабаве падпісаў кантракт[13]. Сезон 2018 пачынаў на лаўцы запасных, а з мая замацаваўся ў стартавым складзе каманды. У снежні 2018 года падоўжыў кантракт са «Слуцкам»[14]. У сезоне 2019 заставаўся іграком асновы, толькі ў красавіку і маі не гуляў з-за траўмы.

У снежні 2019 года падпісаў новае пагадненне з клубам[15]. У сезоне 2020 з’яўляўся на полі нерэгулярна. У снежні 2020 года пакінуў «Слуцк»[16] і неўзабаве абвясціў аб завяршэнні кар’еры[17].

Міжнародная кар’ера правіць

У студзені 2005 года выступаў за моладзевую зборную Беларусі на турніры ў Досе, але больш у моладзевую каманду не ангажаваўся.

У 2011 годзе дэбютаваў за нацыянальную зборную. Галоўны трэнер Георгій Кандрацьеў стаў пастаянна выклікаць Трубілу ў зборную, нават нягледзячы на тое што ён не мог замацавацца ў аснове мінскага «Дынама».

Дасягненні правіць

Грамадзянская пазіцыя правіць

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[18].

Зноскі

  1. ↑ Vitali Trubilo // Transfermarkt — 2000. Праверана 9 кастрычніка 2017.
  2. ↑ Vitali Trubila // FBref.com
  3. ↑ Футбол. Виталий Трубило подписал контракт с "Гомелем"
  4. ↑ "Гомель" выставил Романюка и Трубило на трансфер
  5. ↑ "Гомель" расторг контракт с Трубило
  6. ↑ Трубило тренируется с брестским «Динамо»
  7. ↑ Виталий Трубило подписал контракт с "Соколом"
  8. ↑ Дело – Труба. Виталий Трубило вернулся в большой футбол
  9. ↑ Виталий Трубило подписал контракт с солигорским "Шахтером"
  10. ↑ Виталий Трубило подписал контракт с "Минском"
  11. ↑ Виталий Трубило продлил контракт с "Минском"
  12. ↑ Омельянчук, Чесновский и Трубило покинули «Минск»
  13. ↑ Виталий Трубило подписал контракт со "Слуцком"
  14. ↑ Не игравший с января 2017 года Бамба вернулся в "Слуцк", восемь игроков продлили контракты с клубом
  15. ↑ Виталий Трубило продолжит выступать за "Слуцк"
  16. ↑ Трубило покинул "Слуцк"
  17. ↑ Футбол. Виталий Трубило завершил карьеру(недаступная спасылка)
  18. ↑ 93 беларускія футбалісты выступілі з асуджэннем гвалту ВІДЭА

Спасылкі правіць

Узята з "https://be.wikipedia.org/w/index.php?title=Віталь_Валер’евіч_Трубіла&oldid=4527610"