Віталь Віктаравіч Радзівонаў
Віта́ль Радзіво́наў (нар. 11 снежня 1983, Віцебск) — беларускі футбаліст, нападнік. Выступаў за нацыянальную зборную Беларусі (2007—2017). На клубным узроўні вядомы па выступам за барысаўскі БАТЭ, з якім стаў шматразовым чэмпіёнам Беларусі, удзельнікам групавых раўндаў Лігі чэмпіёнаў і Лігі Еўропы.
 Віталь Радзівонаў | |||||||||||||
|---|---|---|---|---|---|---|---|---|---|---|---|---|---|
 | |||||||||||||
| Агульная інфармацыя | |||||||||||||
| Поўнае імя | Віталь Віктаравіч Радзівонаў | ||||||||||||
| Мянушка | Прафесар | ||||||||||||
| Нарадзіўся |
11 снежня 1983[1][2][…] (40 гадоў) |
||||||||||||
| Грамадзянства |
 Беларусь |
||||||||||||
| Рост | 179 см | ||||||||||||
| Вага | 79 кг | ||||||||||||
| Пазіцыя | нападнік | ||||||||||||
| Клубная кар’ера[* 1] | |||||||||||||
|
|||||||||||||
| Нацыянальная зборная[* 2] | |||||||||||||
|
|||||||||||||
| Узнагароды і медалі | |||||||||||||
|
|||||||||||||
 Медыяфайлы на Вікісховішчы | |||||||||||||
Клубная кар’ера
правіцьУ 2001—2002 гадах гуляў у віцебскім «Лакаматыве-96», які не здолеў выратаваць ад вылету ў Першую лігу. У 2003—2005 гадах выступаў за жодзінскае «Тарпеда», у чэмпіянаце 2005 забіў за жодзінцаў 13 галоў.
З 2006 года стаў гуляць за клуб БАТЭ. Першы год атрымаўся няўдалым — усяго 4 галы, але потым Віталь замацаваўся ў аснове і стаў рэгулярна забіваць. У сезоне 2008 выдатна дзейнічала звязка Радзівонава з Генадзем Блізнюком — яны не толькі сталі найлепшымі бамбардзірамі чэмпіянату, але і дапамаглі БАТЭ ўпершыню ў гісторыі выйсці ў групавы раўнд Лігі чэмпіёнаў.
Пасля выдатнага сезона ў 2009 годзе быў аддадзены ў арэнду ў клуб другой нямецкай бундэслігі «Фрайбург». Дапамог клубу атрымаць перамогу ў турніры і месца ў вышэйшым нямецкім дывізіёне, але «Фрайбург» адмовіўся працягваць супрацоўніцтва, і Радзівонаў вярнуўся ў БАТЭ, дзе зноў стаў асноўным іграком.
Першую палову сезона 2011 прапусціў з-за траўмы. У ліпені 2011 года вярнуўся ў строй, але паспеў правесці толькі тры матчы чэмпіянату (пры гэтым у кожным вызначыўся голам) — 28 жніўня 2011 года ў матчы супраць «Дынама» ў сутыкненні з брамнікам мінчан Дзмітрыем Гушчанкам зноў атрымаў цяжкую траўму, з-за якой выбыў да канца сезона і не прыняў удзелу ў групавым раўндзе Лігі чэмпіёнаў 2011/2012.
У пачатку 2012 года вярнуўся ў асноўны склад, хоць некаторы час толькі выхадзіў на замену ў канцы матча. Выдатна праявіў сябе ў Лізе чэмпіёнаў 2012/2013: спачатку вырваў для БАТЭ перамогу ў матчы другога кваліфікацыйнага раўнда супраць македонскага «Вардара», забіўшы 2 галы ўжо ў кампенсаваны час (выніковы лік 3:2 на карысць БАТЭ), а ў раўндзе плэй-оф аформіў дубль у вароты ізраільскага «Хапаэля», тым самым дапамог БАТЭ ў трэці раз выйсці ў групавы этап Лігі чэмпіёнаў. Ужо ў групавым этапе забіў галы ў вароты «Ліля» і «Баварыі», якімі дапамог атрымаць перамогі з аднолькавым лікам 3:1.
У сезоне 2013 Радзівонаў нарэшце вярнуўся на выдатныя бамбардзірскія паказчыкі ў чэмпіянаце Беларусі (да таго тры гады запар найлепшым бамбардзірам клуба быў Рэнан Брэсан). У першых праведзеных дзесяці матчах нязменна адзначаўся голам або галявой перадачай (шэраг матчаў прапускаў з-за невялікай траўмы), у тым ліку забіваў у 8 сваіх матчах запар. Усё гэта дазволіла Віталю з 14 галамі зноў стаць найлепшым бамбардзірам чэмпіянату, таксама ён быў прызнаны найлепшым футбалістам і найлепшым нападнікам чэмпіянату па версіі АБФФ.
Сезон 2014 распачаў як асноўны цэнтральны нападнік, але ў другой палове сезона, у тым ліку з-за траўм, стаў чаргавацца на гэтай пазіцыі з Мікалаем Сігневічам. Усяго за сезон забіў 11 галоў у чэмпіянаце. У сезоне 2015 зноў замацаваўся асноўным нападнікам, за палову сезона забіў 9 галоў у чэмпіянаце, але 26 жніўня 2015 года ў матчы Лігі чэмпіёнаў супраць сербскага «Партызана» атрымаў траўму, з-за якой выбыў да канца сезона. У снежні 2015 года падоўжыў кантракт з БАТЭ[3]. Сезон 2016 правёў амаль поўнасцю, з-за траўмы не гуляў толькі ў маі. У 25 матчах чэмпіянату забіў 15 галоў, што дазволілі Радзівонаву ў трэці раз стаць найлепшым бамбардзірам Вышэйшай лігі (падзяліў званне бамбардзіра з аднаклубнікам Міхаілам Гардзейчуком).
У студзені 2017 года падпісаў чарговае аднагадовае пагадненне з барысаўчанамі[4]. У маі і чэрвені 2017 года не гуляў з-за траўмы, пасля вярнуўся ў асноўны склад на пазіцыю цэнтральнага нападніка. 26 лістапада 2017 года ў матчы апошняга тура чэмпіянату Беларусі супраць «Гарадзеі» выйшаў на замену ў другім тайме пры ліку 1:3 на карысць гарадзейцаў і здолеў забіць два галы, якія прынеслі БАТЭ нічыю 3:3 і разам з ёй чарговае чэмпіёнства.
У студзені 2018 года абвясціў аб завяршэнні прафесійнай кар’еры[5]. Усяго за БАТЭ правёў 412 матчаў ва ўсіх турнірах, забіў 161 гол. Разам з барысаўскім клубам стаў 12-разовым чэмпіёнам краіны. Неўзабаве пасля завяршэння кар’еры быў прызначаны спартыўным дырэктарам БАТЭ[6]. У красавіку 2019 года стала вядома аб зыходзе Радзівонава з пасады[7].
У жніўні 2019 года стаў начальнікам каманды ў мінскім «Энергетыку-БДУ»[8]. Пакінуў клуб у сакавіку 2020 года[9].
Міжнародная кар’ера
правіцьЗ 2007 года выступаў за нацыянальную зборную Беларусі. Доўгі час разам з Сяргеем Карніленкам з’яўляўся асноўным нападнікам зборнай. Пасля таго, як у снежні 2014 года трэнерам зборнай стаў Аляксандр Хацкевіч, перастаў выклікацца ў галоўную каманду краіны. У сакавіку 2017 года, калі зборную ўзначаліў Ігар Крывушэнка, вярнуўся ў каманду і 25 сакавіка 2017 года пасля амаль трохгадовага перапынку зноў згуляў за зборную, выйшаўшы на замену ў матчы супраць Швецыі (0:4).
Дасягненні
правіць
Чэмпіён Беларусі (12): 2006, 2007, 2008, 2009, 2010, 2011, 2012, 2013, 2014, 2015, 2016, 2017- Уладальнік Кубка Беларусі (3): 2006, 2010, 2015
- Уладальнік Суперкубка Беларусі (6): 2010, 2013, 2014, 2015, 2016, 2017
Пераможца другой нямецкай бундэслігі: 2009- У спісе 22 найлепшых футбалістаў чэмпіянату Беларусі (9): 2005, 2007, 2008, 2010, 2011, 2012, 2013, 2014, 2016
- Найлепшы футбаліст чэмпіянату Беларусі (2): 2008, 2013
- Найлепшы бамбардзір чэмпіянату Беларусі (3): 2008 (разам з Генадзем Блізнюком), 2013, 2016 (разам з Міхаілам Гардзейчуком)
- Найлепшы нападнік чэмпіянату Беларусі (6): 2008, 2010, 2011, 2012, 2013, 2016
- Член Клуба беларускіх бамбардзіраў (забіў больш за 100 галоў на вышэйшым узроўні)
Крыніцы
правіць- ↑ Vitali Rodionov // Transfermarkt — 2000. Праверана 9 кастрычніка 2017.
- ↑ Vitali Rodionov // FBref
- ↑ Виталий Родионов продлил контракт с БАТЭ (руск.). football.by (30 снежня 2015). Праверана 6 мая 2024.
- ↑ Виталий Родионов продлил контракт с БАТЭ (руск.). football.by (15 студзеня 2017). Праверана 6 мая 2024.
- ↑ Виталий Родионов завершил игровую карьеру (руск.). football.by (15 студзеня 2018). Праверана 6 мая 2024.
- ↑ Виталий Родионов назначен спортивным директором БАТЭ (руск.). football.by (24 студзеня 2018). Праверана 6 мая 2024.
- ↑ Виталий Родионов покинул БАТЭ (руск.). football.by (3 красавіка 2019). Праверана 6 мая 2024.
- ↑ "Энергетик-БГУ" объявил о назначении Родионова на пост начальника команды (руск.). football.by (22 жніўня 2019). Праверана 6 мая 2024.
- ↑ Родионов покинул пост начальника команды "Энергетик-БГУ" (руск.). football.by (25 сакавіка 2020). Праверана 6 мая 2024.