Віталь Уладзіміравіч Галубовіч

Віталь Уладзіміравіч Галубовіч (нар. 1974, Гродна) — беларускі гісторык. Кандыдат гістарычных навук (2003).

Віталь Уладзіміравіч Галубовіч
Дата нараджэння	1974
Месца нараджэння	Гродна, Гродзенская вобласць, БССР, СССР
Грамадзянства	Беларусь
Род дзейнасці	гісторык, выкладчык універсітэта
Навуковая сфера	гісторыя
Месца працы	Полацкі дзяржаўны ўніверсітэт імя Ефрасінні Полацкай Гродзенскі філіял БІП Гродзенскі дзяржаўны аграрны ўніверсітэт
Навуковая ступень	кандыдат гістарычных навук (2003)
Альма-матар	гістарычны факультэт Гродзенскага дзяржаўнага ўніверсітэта[d] (1996)

Скончыў гістарычны факультэт ГрДУ з адзнакай (1996). У 1996—2005 гадах працаваў выкладчыкам кафедры гісторыі і сацыялогіі Полацкага дзяржаўнага ўніверсітэта, у 2005—2006 — дацэнт кафедры гісторыі і тэорыі права ў Гродзенскім філіяле Беларускага інстытута правазнаўства, з 2006 — дацэнт кафедры грамадскіх навук Гродзенскага дзяржаўнага аграрнага ўніверсітэта.

У 2003 годзе абараніў кандыдацкую дысертацыю «Кнігі запісаў Метрыкі Вялікага княства Літоўскага за час праўлення Уладзіслава Вазы (1633—1648 гг.) як крыніца па гісторыі Беларусі».

Адзін з нешматлікіх беларускіх спецыялістаў па гісторыі XVII ст. У сферы навуковых інтарэсаў — даследаванне аспектаў грамадска-палітычнага жыцця Вялікага Княства Літоўскага і яго рэгіёнаў у канцы XVI—XVIII cт., у прыватнасці гісторыя парламентарызму і прадстаўнічых устаноў у беларускіх рэгіёнах, пытанні гістарычнага развіцця шляхецкага стану (саслоўя).

Аўтар больш за 130 навуковых публікацый.