Вітаў калодзеж
Вітаў калодзеж (у арыгінале — Витов колодезь) — урочышча ў межах былога Гомельскага староства. Згадваецца ў «Адказной кнізе на Гомельскі маёнтак» 1776 г. у фрагменце, звязаным з «отграничением» (вызначэннем меж) зямель, якія значыліся за вёскай Ваўковічы і шэрагу іншых населеных пунктаў[1]:
«…поуз Довгий Мох Плетыще от грунтов капитулских, что нине суть владения полковника Сымонова, на бор в колодезь Витов. От колодезя бором Рубежами в речку Деменку. З речки Деменки в речку Узу».
Супастаўленне звестак «Адказной кнігі» з «Генеральным планам Беліцкага павета»[2] 1784 г. і сучаснай картай Гомельшчыны, дазваляюць выказаць меркаванне, што Вітаў калодзеж знаходзіўся ў паласе на паўночны захад ад цяперашняй вёскі Шчэрбаўка ў напрамку да вёскі Іванькаў Гомельскага раёна (урочышча Княжацкі Рог)[3]. Атаясаміць Вітаў калодзеж з пэўным сучасным аб’ектам пакуль немагчыма.
У назве «Вітаў калодзеж» магла ўвасобіцца гістарычная памяць народа аб вялікім князі літоўскім Вітаўце. З іншага боку, нельга выключаць, што азначэнне «Вітаў» было ўмоўным і безадносна да рэальнай гістарычнай постаці падкрэслівала старадаўнасць аб’екта.
Зноскі
- ↑ З «Адказной кнігі на Гомельскі маёнтак П.А. Румянцава» 1776 г. // Памяць : гіст.-дакум. хроніка Гомеля. У 2 кн. Кн. 1-я — Мінск : БЕЛТА, 1998. — С. 128.
- ↑ Генеральный план Белицкого уезда / Генеральное межевание Могилевской губернии 1784 г.
- ↑ Гомель. План города. Гомельский район. Карта [Карты] / редактор В. А. Змачинская. — Минск : Белкартография, 2018.
Літаратура правіць
- Парфененко Д., Фащенко М. К вопросу об урочище «Витов колодезь» в бывшем Гомельском старостве // Тэзісы ўдзельнікаў рэспубліканскага конкурсу навуковых даследчых краязнаўчых работ навучэнцаў. — Мінск, УА “РЦЭК”, 2021. — С. 25—27.