Валерый Васільевіч Быкаў

Валерый Васільевіч Быкаў (нар. 20 верасня 1939, г. Барнаул, РСФСР) — беларускі і расійскі архітэктар. Член-карэспандэнт Беларускай акадэміі архітэктуры (1999).

Валерый Васільевіч Быкаў
Дата нараджэння	20 верасня 1939(1939-09-20) (84 гады)
Месца нараджэння	Барнаул, Алтайскі край, РСФСР, СССР
Альма-матар	Новасібірскі дзяржаўны архітэктурна-будаўнічы ўніверсітэт
Месца працы	Кемераваграмадзянпраект[d] Палессепраект[d] Гомельграмадзянпраект[d]
Член у	Беларускі саюз архітэктараў

Біяграфія

Скончыў у 1967 годзе архітэктурны факультэт Новасібірскага інжынерна-будаўнічага інстытута імя В. У. Куйбышава. У 1967—1971 гадах старэйшы архітэктар, кіраўнік групы праектнага інстытута «Кемераваграмадзянпраект» у г. Новакузнецку, у 1971—1989 гадах галоўны архітэктар Мазырскага архітэктурна-будаўнічага аддзела інстытута «Гомельграмадзянпраект», у 1989—1995 гадах начальнік архітэктурна-планіровачнай майстэрні інстытута «Гомельграмадзянпраект», у 1995—2000 гадах галоўны архітэктар г. Гомеля.

Член Саюза архітэктраў СССР з 1971 года. Абіраўся членам праўлення Саюза архітэктараў БССР.

Пражывае ў Мазыры.

Творчасць

Палац культуры МНПЗ

Рачны вакзал у Мазыры

Асноўныя працы: кафэ «Вугольчык» у г. Новакузнецку (1968), спальны корпус са сталовай дому адпачынку ў Зянкове (1969, з С. Артамонавым), мікрараён у Калзагаі (1971), спорткомплекс у г. Бялова (1970, з С. Артамонавым). У Мазыры: аэравакзал (1972), аўтавакзал (1972, з Г. В. Вараб’ёвым), кафэ «Хваля» (1974), медвучылішча (1981, з Д. Баглаевай), дзяржбанк (1982, з Д. Баглаевай), рачны вакзал (1982), Палац культуры МНПЗ (1984).

Літаратура

• Быков Валерий Васильевич // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
• Быков Валерий Васильевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)