Валерый Іванавіч Карэтнікаў

Валерый Іванавіч Карэтнікаў (нар. 27 студзеня 1940, в. Місяш, Чабаркульскі раён, Чалябінская вобласць, РСФСР) — беларускі кампазітар.

Валерый Іванавіч Карэтнікаў
Дата нараджэння	27 студзеня 1940(1940-01-27) (83 гады)
Месца нараджэння	Місяш, Чабаркульскі раён, Чалябінская вобласць, РСФСР, СССР
Краіна	Беларусь
Альма-матар	Беларуская дзяржаўная кансерваторыя імя А. В. Луначарскага (1970)
Месца працы	Магілёўскае музычнае вучылішча імя М. А. Рымскага-Корсакава Маладзечанскі дзяржаўны музычны каледж імя М. К. Агінскага Рэспубліканская гімназія-каледж пры Беларускай дзяржаўнай акадэміі музыкі
Музычная дзейнасць
Прафесіі	кампазітар
Грамадская дзейнасць
Член у	Беларускі саюз кампазітараў
Прэміі	Прэмія Федэрацыі прафсаюзаў Беларусі (2003)

Біяграфія

Скончыў у 1970 годзе Беларускую кансерваторыю (клас П. Падкавырава). З 1970 года выкладчык Магілёўскага, з 1976 года Маладзечанскага музычнага вучылішчаў, з 1989 года — музычнага каледжа пры Беларускай акадэміі музыкі.

Член Беларускага саюза кампазітараў з 1979 года.

Творчасць

Працуе пераважна ў камерна-інструментальных жанрах і музыкі для дзяцей. Сярод твораў: вакальна-інструментальная лірычная паэма «Флейтыст» на вершы Э. Агняцвет (для сапрана і інструментальнага квінтэта, 1996); сімфонія (1970); канцэрты для фартэпіяна з аркестрам (1978, 1993); п’есы для фартэпіяна; 4 трыа для скрыпкі, віяланчэлі і фартэпіяна; санаты, у т.л. для альта, для альта і фартэпіяна, для 2 скрыпак і фартэпіяна; струнны (1977, 2-я рэд. 1991) і фартэпіянны (1996, 1997) квартэты; варыяцыі на тэму «З Полацкага сшытка» для скрыпкі, альта і фартэпіяна (1992); рамансы, песні на словы беларускіх паэтаў. Рэдактар і складальнік (разам з В. Дабравольскай) зборніка твораў беларускай харавой музыкі ў 2 т. (т. 1, 1998).

Узнагароды

Лаўрэат прэміі Федэрацыі прафсаюзаў Беларусі (2003).

Літаратура

• Аладава Р. М. Карэтнікаў Валерый Іванавіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).