Вера Міхайлаўна Чыстая

Вера Міхайлаўна Чыстая (15 верасня 1939, пасёлак Свяцк, Бранская вобласць) — беларускі архітэктар.

Вера Міхайлаўна Чыстая
Дата нараджэння	15 верасня 1939(1939-09-15) (84 гады)
Месца нараджэння	Свяцк, Навазыбкаўскі раён, Арлоўская вобласць, РСФСР, СССР
Альма-матар	БПІ (1966)
Месца працы	Мінскпраект Белдзіпрагандаль Праектна-канструктарскае бюро Міністэрства сельскага будаўніцтва БССР[d]
Член у	Саюз архітэктараў СССР Беларускі саюз архітэктараў

Біяграфія

Скончыла Беларускі політэхнічны інстытут у 1966 г. Працавала ў Мінгарпраекце, Белдзіпрагандлі, з 1965 года — галоўны архітэктар аддзела ў ПКБ Мінсельбуда БССР.

Член Саюза архітэктараў СССР з 1973 года. Пражывала ў Мінску.

Творчасць

Асноўныя працы: піянерлагеры «Зялёны бор» у Мінскім (1972) і «Сонечны» ў Валожынскім раёнах, клубы будаўнікоў у Маладзечне (1973) і Мазыры (1982) — у аўтарскім калектыве, цэхі заводаў будаўнічых дэталяў у Гомелі (1973), ліцейна-механічнага ў Пінску, успушанага перліту ў Баранавічах (1974), аб’ёмнага домабудавання ў Віцебску і Бярозе (1978, у аўтарскім калектыве), жалезабетонных вырабаў у Віцебску і Оршы (1982), СПМК-104 у Мінску (1978, у аўтарскім калектыве), серыі сядзібных дамоў для в. Нявелічы Дзяржынскага раёна (1982).

Літаратура

• Чистая Вера Михайловна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)